ياليت قلبي يفهم ولايدوسني اكثر.

السلام عليكم ورحمه الله وبركاته
من البدايه الي ما عندها رد سنع تخرج أنا تزوجت من 3 سنين أرمل تزوج سنه وتوفت زوجته وجلس سنين من بعدها ثم تزوجني عنده بنت وحده 
كانت حياتنا اسعد منها مافيه احبه بجنون وهو كمان وبنته تعلقت فيها وأحبها وربي مو كاتب لي أني احمل فصارت مثل بنتي وأكثر البسها أدلعها الكل كان يسال ماتغارين منها وأقول لهم لا ما أغار وفعلا احبها يا بنات قطعه من قلبي 
زوجي فجاه تغير مع أني والله ما قصرت لو يطلب روحي أعطيه وانا صغيره بعمري 24 ونظيفه وصاينه بيتي والحمد لله حتى أهله يحبوني ومحترمين معي فجاه تغير مو طايقني بس يخرج بس يكلم أقولكم حتى النوم يتهرب مايبغاني يتحاشى يكلمني وصرنا نتهاوش ويقول طفشت منك مليت أقوله أنا مقصره يقول لا طيب وش تبي يصارخ أف طفشتيني اشبك اشبك ويخرج صار يؤيدني عند أهلي بالأيام يبغى يفتك مني المهم مره قال عزمت أصحابي ويبجون حريمهم قلت طيب وأقوم أسوي ما ألذ وطاب وهو طول اليوم يتغزل فيني على عكس العاده قلت زين رجع عاد جو من ضمنهم حرمه وبنتها حسيت كلامهم غريب والبنت نظراتها لي بشر وترمي بالكلام شكيت ليش يسوو كذا مع انهم مايعرفوني 
ولما خرجو قلت له كذا وكذا وكذا قال لا عادي لاتهتمين واااااااه يابنات كل ما أتذكر الكلام أموت قهر يقول انتي حبيبتي انتي الي ربي جزاني فيك وانا ما أعيش بدونك وكلام كثير 
بس رجع لنفس حركاته الين ما جاءتني أمه وقالت يابنتي تراه بيخطب ولاني مواقفه ومانيب رائحة معه غير اخته الكبيرة هي الي بتروح انصدمت دارت فيني الدنيا ليش ليش بايش قصرت اقسم بالله كل ليله أقوله راضي علي ولا لا ولا عمرنا زعلنا يومين ورأ بعض اصالحه اخر اليوم حتى أهلي يوم يقولون خليه يسمح لك تباتين أقول قال لا يعني لا اسمع كلامه ولا أني أتهاوش واجيب النكد
واجهته قال ماني قادر أعيش معك ولا اكمل خلاص مليت جلست ابكي وين حبك وين كلامك تو قبل فتره تقول ربي جزاني فيك قال أنا كلب حقير اي شي بس ما ابيك هانت علي نفسي وانا ابكي يابنات احبه احبببببببه بجنون 
الصدمة أني اكتشفت انه خطب بنت صاحبه تخيلو قمه الذل جابها ببيتي عشان تشوفني تخيلو موقفي الغبي هم يتمصخرون فيني وانا أقهويهم وأرحب بهم انا الأطرش بالزفه ااااه ااااه يا قهري 
رحت لأهلي وطلقني وتزوجها لهم 3 شهور مخنوقه مجروحه احس بذل بضعف أحس بغباي وفوق ذا حرمني من بنتي اقصد بنته حرمني منها يقول ميب بنتك وانا بموت عليها اتصل بالدس وتعطيني جدتها أكلمها 
اتخيله يدلعها يضحك معها يتغزل بها وأموت بقهري احس بنار نار بداخلي
وين اروح وأيش أسوي مفهمه أهلي أني عادي وانا اكذب احبه بس هانني قلبي يحبه وهو ذلني ااااه يابنات احس بديت اكره نفسي
آيس أسوي ريحوني حسبي الله فيهم ونعم الوكيل