يامتوجات ومملكات خلونا نتناقش بزيارات زوجك لك

الحياء حلو لاتعطينه وجه زياده عشان مايقول هذي ماتستحي راميه روحها علي

خلك على طبيعتك واهم حاجه الحياء
اخذي واعطي معه بالنقاش
وانشاءالله البنات بعد يفيدونا من تجاربهم
لاني انا نفسك مملكه مالي الا فتره بصيطه
والله يتمم لنا إنشاءالله على خير

في البدايه لازم في حياء كبير بعدين تطلع الحركات بدون ما ترتبيلها
اهم شي شياكتك ويكون مكياجك بسيط جدا ومرتبه ومن راسك لين رجولك
واهتمي بالاكل وشوفي ذوقه وشو يحب حتى بعدين لما تصيرون ببيت لحالكم تكون خلفيتك كبيره عن اكله وشربه ولبسه وعطره
وخليكي ذكيه لا تسالين عن كل شي بس بشكل غير مباشر
انا احب الاكله الفلانيه وعلى طول اسويها واذا كان جوعان على طول راح يقولك انا احب كذا وكذا ..
وعندك الترتيب ترا هالايام ما راح تنسونها ابدا ولا راح تتكرر
وعشان جذيه اريدج تكونين متجدده في لبسك في مواضيعك معاه وسوالفك لا تكررين السالفه والا تمسكين الكلمه وتعلقين في كل المناسبات عليها هههههههههه
وانتبهي بعد الزواج راح يكون لك نظامك الخاص فعودي نفسك عليه من اليوم في طريقتك في السبوح والاهتمامات الشخصيه والماسكات وشعرك اتعودي على انك تعملين له حركه معينه يكون دايما مرتب وجذاب والمكياج يكون خفيف وسريع والاهم اكلك وشربك ولازم تشربين الاعشاب والاشياء الصحيه الى تنظف الجسم من السموم
ولا تتركين له مجال الاأن ينبهر فيج في اول سنه وبعدين راح تتعودين على هالحياة وبتحبنها
لانج بتلاقين من يشاركج هالاهتمامات ويثني عليها

واختى لا تنسين اكل زوجك الله الله في الاكل الزين

وتعلمي كل يوم شي جديد والرجال يحبون الحلو فنوعي له على العصر مع الشاي مثلا

والله راح تكون حياتكم بأذن الله هنيه ان شاء الله وبالتوفيق

مشكوره حبيبي على هذا النصائح وفعلا يبغالي أتبعها
ومشكوره أختي alra7ely نصائحك جدا رائعه وماشاء الله عليك تحببي الواحد بالزواج وتشجعي بعد الله يوفقك ويوفق البنات