يامعلمات الثانوي ساعدوني البنات المشاغبات ايش اسوي فيهن

انا كنت في الثانوي من هذى النوع
مشاغبه زي ماقلتي
ولااااااينفع معي الاستاذه العصيبه والي تصارخ وتهزأني قدام البنات وتغير مكاني
كنت احسها كأنها تقل لي زيدي زيدي >>الحمدلله والشكر مدري وش ككنت احس فيه

المهم

كان ينفع معي الطيييييب

اذا صارت الاستاذه طيبه معي وكلمتني لحااالي مب قدام الطالبات
اصير لها كرسي وطاوله خخخ

انتي لاتجمعي الخمس مع بعض وتكلميهم مع بعض بيصيرو يتغامزو ويتضحكو ولا بتاخذي منهم لاحق ولاباطل>>مجربه كل شي خخ

خوذي كل وحده لحالها

كنت بقول لك خذي معك كرتونه حلاومانتبهت انهم ثانوي
متعوده بنيتي باولى معلمتهم تعطي المؤدبه حلاوه لكن الثانوي حالهم صعب كبارالله يكون بعونك
شوفي انا ماني معلمه لكن جربت معلمات بالثانوي وحده منهم ماتعصب ولاتصارخ لكن فيها هدوءمع حزم والبنات محترمينها عالاخرحتى المشاغبات
انتي خليك حازمه ولاتشيلين هيبتك بالعصبيه والصراخ يستفزونك اكثر

على حسب نوعية الطالبات فيه طالبات يحتاجون لنصيحة بعيد عن الطالبات ويتغير وضعهم للافضل وفيه طالبات مايمشون الا بالدرجات ويتعدلون ..

والله اني أرمي الابرة ينسمع صوتها في الفصل

صحيح ماأخاصم ولا أهزئ لكن صوتي عالي وأعتقد هذا له دور

والحمد لله عندي النجاح 100 % ومحبوبة من الأغلبية

خذي عليهم توقيع بالالتزام

خبري المرشدة

استدعي امهاتهم والام اللي بصف بنتها خذي رقم ابوها