ياناس ايش اسوي

انا ياناس متزوجه دكتور واكيد كلكم تقولون يابختك لكن

انا زوجي يطلع من 6وربع ويرجع5ونصف المغرب
يجي ياكل شي ويصلي وبعدها يجلس في المجلس يقرا شوي ثمن تصبحين على خير

عندي ولد عمره 2ونصف مجنني وبنت زي القمر عمرها5شهور

اطفش لحالي ويضيق صدري اقول اروح بيت اهلي بس من اروح يجلس ولدي يصيح عشان اطلع معه الساحه يلعب واطلع معه والمشكله معه عيال اختي يلعبون ولا همهم بامهم وانا كاني ميري جالسه في الساحه واذا دخلت ياويلي يجي يصيح ويزعج امي وابوي دليت اكره اروح هناك

وانتظر الخميس والجمعه اقول نطلع ونتمشى بس زوجي مايحب يطلع اقول له خميس لي والجمعه والاجازه الجايه لك لاكن مايعطيني وجه يوديني لفه عند المعلق ويقول خلاص طيب والعشاء يقول مايحب اكل المطاعم بس انا احبه وبالموت نروح ويعطيني ذيك التكشيره الي تسد النفس طول مااحنا جالسين

ولا يقول اوديك السوق واعطيك البطاقه واشتري الي تبين بس منيب امشيك
قلت طيب واصرف مبالغ كبيره اقول يمكن اذاشافنا كذا يهون ويمشينا لكن لاحياة لمن تنادي

واذا جو اهله زياره اجلس معهم خصوصا امه واسولف واكرمهم اخر اكرام وهو جالس في المجلس يقرا ويمر علينا مرور الكرام
هو مايقصر مكرمني ويحبني بس ابي احد يكلمني يدلعني والله احس اني متزوجه شايب وانا صرت عجوز