ياناس قهرتني انا الغلطانه ولا هي الغلطانه ؟؟

السلام عليكم

هذا اول موضوع اكتبه هنا وابي اشوف ردودكم

اليوم صارلي موقف رفع ضغطي
انا صريييييحه لأبعد درجه بس ما أغلط على أحد
ويكون اسلوبي نفس اللي قدامي لو كانت طايحه سب بسب ولو تكلمت باحترام بحطها فوق راسي
ولو حسيت ان صراحتي بتزعل والموضوع مايستاهل اتكلم ابلع لساني واسكت

لكن لو كان الموضوع عادي او يحتاج صراحه تكلمت لأني ما احب انافق ولا اقول شئ غير عن اللي بقلبي
المهم انه صار اليوم سوء تفاهم بيني انا ووحده من البنات

هالبنت زعوووله مره يعني حتى المزح تزعل منه ( هالصفه اكتشفتها فيها قبل فتره بسيطه)
وبداية الموضوع كان مزح وقلت انا كلمه عاديه ( اقصد فيها انها كبرت الموضوع) قامت زعلت منها

مع ان الغلط كان من البنت لأنها تدخلت بشئ كنت امزح فيه مع وحده ثانيه ودخلت هي عرض بينا ( وكأنها تحرشها علي وتقول ماعليك منها ومن هالكلام طبعاً البنت الثانيه كانت تعرف اني امزح وكانت تستهبل وماسكه خط معي ) وقمت انا رديت عليها وقلت ( ترا السالفه بيني وبينها مزح انتي اللي كبرتي الموضوع) ماكنت ابي اقول تدخلتي عشان ما اجرحها لكن من بعدها قلبت راسها وزعلت

وش رايكم انا الحين اللي قاهرني بالموضوع انها زعلت والمفروض انا اللي ازعل مو هي
واعتبرت ردي جرح بالنسبه لها

انا كلمتها وقلت ليش تزعلين انا صريحه وطبعي كذا قالت مازعلت بس ما ابي اسولف لأنها هجدت فجأه بعد ماكانت تضحك وتسولف وترد علي وهي تطالع بمكان ثاني عاد انا طنشتها ويوم رحت تقول للبنات انها مو اول مره لأنه بعد صار قبل كم يوم موقف مشابه له كان بدايته مزح وهي نفسها اللي تدخلت بالموضوع وبعدها قلبته جد وزعلت

مع العلم ان البنات اللي كانوا موجودين كلهم يقولون انها هي الغلطانه بس مايبون يقولونه لها ويجرحونها
انا عاد مابداري شعورها اذا هي ما احترمتنا ولا دارت شعورنا وكم مره غلطت على البنات ومايقولون شئ يسكتون لكن تحز بخاطرهم لكن انا مابخلي حقي ولا بخلي احد يدوسلي على طرف

وفوق هذا كله ما احب احد ياخذ مني موقف مرات اقول بعتذر لكن انا ماغلطت ولو اعتذرت بتسوي سالفه وكأنها ماقبلت هالاعتذار مثل المشكله الاولى ومرات اقول اللي يزعل من كيفه يرضى من كيفه

عاد انا قلت بخلي علاقتي معها رسميه مابمزح معها واشيل الميانه اللي بينا وش رايكم مو شئ يقهر ؟!!!!!!