ياناس ياعالم مين مات له إنسان عزيز على قلبـــــه وووو....أنقذوني

السلام عليكم

8
8
8

الجواب باين من عنوانه

مين منكم فقد عزيز وغالي بس بقوة يعني كأنه روحه ونفسه وحياته

وراح عنه وقدر يعيش عادي بعد فراقه بشهور أو حتى بسنة ..!!!!

مين قدر تغمض له عين ويتهنى بنومه وغاليه بعيد عنه ..!!!

مين قدر يضحك وينكت ويأكل ويلبس ويطلع ويتفسح ويده ماهي بيد حبيبه ...!!!

مين تكفون مين قدر يصير إنسان وينسى ميييييييييييييييييييييييين ...!!

تدرون من كم سنة فقدت أغلى من حياتي...

فقدت روحي ونفسي وعمري وشبابي..وكل شيء في حياتي ...

وتغيرت حياتي ..ومع كذا ماقدرت أنسى غاليي....!!!

ماقدرت وصار لي كم سنة بدونه بس والله مقدرت أصير إنسان وأنسى ...!!!

أموت باليوم ألف ألف مرة ...!!

أتذكر كل شيء مع الغالي ..كل أكله كلتها وسالفة سولفتها ..!!

كل مكان تحكي جلساتنا ...!!!

حكاياتنا ..ضحكتنا ...وبكانا ...!!!

أكلنا وشربنا وطقاقنا وصلحنا ...!!!

حتى النوم والله ماأنام زين وإن نمت أنوم عشان يصدع رأسي أكثر ولله الحمد ..!!!

نفسي أنساها ..لا أحد يقولي تعالجي نفسيا كل شيء سويته ماقدرت ..بموت خلص من القهر

قاعدة أكتب لكم في وقت الكل نايم ...

رغم أني صاحية من بدري وعندي عزومة على الفطور وبلحالي .,..,ومع كذا

النوم مفارقني...

تدرون من غالي وحبيبي وعمري وقلبي وحياتي وضحكتي ..

هذي أمي أمي أمي ....

الله يغفر لها ويرحمها ويجبر عزاي فيها ..

كل يوم أشوفها ..واسمع صوتها ...لا لا أنحرمت من صوتها

ساعات بلحالي أنادي يمه ...يمه يمه ...

من زمان ماقلتها ...

وبعدييييييييييين أبككككككككككككككككي لحد ماأتعب وأصدع راسي..

أبي اسمع اسمي بصوتها ..أبيها لو تموتني ضرب وشتم وتحرمني من الدنيا كلها ..!!

أبيها ياناس ...
والله أنا دونها ماأسوى..!!

أحسسسسسسسسسسسس أني ضعيفة ..عابرة سبيل ..أي شيء

المهم أنا فاقدة أمي ..عجزت أنساها ..ومت ماقدرت أتحمل فرقاها ...

كلامي صار أمي ..حكاياتي أمي...أزعل على شيء وأتذكر أمي

وإذا بكيت قلت أبي أمي..وإذا تذكر أنو أمي كانت تقولي لا تروحي

وأتندم ولا أروح وأتعذر لصحباتي بأي شيء ..

يووووووووووه الله يرحمك يمه ..الله يرحمك يمه

ودي أبوس يدك لا رجلك ...

ودي لو الموت يشاور قبل من آآخذ كان رحت عنك والله يمه

ودي أقول يمه ..وأرفع صوتي قدام الناس بيها يمه

يمه والله أنا مشتاقة لك ولشوفتك ..مشتاقة لصوتك وضمتك ..مشتاقة أنوم بحضنك

مشتاقة لك يمه ...


أنا غرضي من اللي كتبته ..إني أنفس شوي عن نفسي

الشيء الثاني تدعون لأمي ولي بأن الله يجمعني بها في الفردوس الأعلى

والشيء الثالث...تتذكرون قول الرسول صلى الله عليه وسلم : ( رغم أنفه ..رغم أنفه ..رغم أنفه .

قيل من يارسول الله : قال : من أدرك أحد أبويه أو كلاهما فمات فدخل النار) .فلا تحرموا أنفسكم

بر والديكم وبابي الجنة


الشيء الرابع : علموني كيف نسيتوا اللي ماتوا عنكم ..؟؟

عذرا ياأحبتي على اإزعاجكم لكن هي بعثرت قلم وسيلان لسان