ياهم ربي كبير....أدعو لي بالزوج الصالح

اولا:السلام عليكم حبيباتي عضوات المنتدى
ثانيا:الحمدلله كما ينبغي لجلال وجهك وعظيم سلطانك
الحمدلله حتى ترضى والحمدلله اذا رضيت والحمدلله بعد الرضى
الحمدلله عدد خلقه ورضانسه وزنة عرشه ومداد كلماته
الحمدلله والصلاة والسلام على رسول الله ...

ثالثا:حبيت صراحتكم وشفافيتكم وحبيت مواساتكم لاخواتكم المهمومات الله يفرج همومنا هو الوحيد القادر على كل شيء....

رابعا:انا بعد ما شفتكم تشكون البعض وتواسون بعض قلت خليني افضفض ...من باب الفضفضه لانه انا شخصيه انطوائية وما احب الكلام الكثير وما عندي صديقات كثير

خامسا :ندخل في الموضوع>>>>>بدري:42:
انا غير متزوجة وعمري فوق العشرين ....انا انخطبت وعمري 16سنه من صديق اخوي ...وجلست مخطوبة له ست شهور بدون شي رسمي..وبعدها اتوفى في حادث
وبعد ما خلصت الثانوي جاني واحد ماشاء الله دين واخلاق وعلم ...وافقوا اهلي وملكت وجلست فترة سنه ونص
واهلي من النوع اللي لاكلام ولا زيارات المهم صارت مشكلة بين اهلي واهله نحن اقارب وتركنا بعض
نفسيتي تعبت وبكيت كثيرلانه وحزنت الحمدلله اولا واخرا اكيد ربي ماكتب
وبعد ها صاروا يجوني خطاب وفجأه بعد كم شهر يصير شي ويروح اما ان يكون النسب اواي شيءاما ان يكون فيه وفيه المهم انه ربي ماكتب
....والله اني مايئست من رحمة ربي الحمدلله على كل حال وانا دايما ادعي لنفسي واكيد لمن ربي يكتب لي النصيب بيجي ....الحمدلله
بس انا اتضايق من النغزات حق جدتي ونظرات المجتمع .... وامي مسكينه ماتبغى تضاقني بس انا دايما اسمعها تتكلم مع اختي الكبيره عني وعن تأخر زواجي حتى احيانا احس اني عله وصرت اتحسس من اي شيء ...اخواتي الصغار صاروا ينخطبون وانا بعدني ...مره امي قالتلي بتزعلين لو فلانه اتزوجت قبلك قلت لها وليش ازعل والله انه في صدري نار والله مو حسد بس احس بالإنكسار والله احبهم واتمنالهم الخير بس نفسي اتزوج قبلهم لاني اكبر منهم ..
صرت في هالفتره افكر في الموضوع كثير واشوف البنات اللي قدي كلهم اتزوجوا وعيلوا ...والله اني ادعي لنفسي وابكي ابكي نفسي اسوي اسره ويصير عندي اولاد ...
ادعوا لي انه ربي يرزقني الزوج الصالح ..مخموط القلب..التقي الغني الاعزب..:26: