يا زيننا يوم الناس تغافل عن الزلات و لا تتبع العورات.

عن أبي هريرة رضي الله عنه قال : قال رسول الله صلى الله عليه وسلم : ( لا تحاسدوا ، ولا تناجشوا ، ولا تباغضوا ، ولا تدابروا ، ولا يبع بعضكم على بيع بعض ، وكونوا عباد الله إخوانا ، المسلم أخو المسلم ، لا يظلمه ولا يخذله ولا يحقره ، التقوى هاهنا – ويشير إلى صدره ثلاث مرات – بحسب امرئ من الشر أن يحقر أخاه المسلم ، كل المسلم على المسلم حرام : دمه وماله وعرضه ) رواه مسلم .

السلام عليكم
فعلاً أقول يا زيننا قبل البرامج اللي خلت البيوت بمشاكل و هموم
طلع التويتر قال ناس تقصدني بالتغريده
طلع الانستقرام قالت سوو و افعلو ولا عزموني وفشخره و خساير علشان صوره
طلع الواتس صارت فيه شكوك و تفتيش جوالات
و غيره الكثير .
البرامج هاذي نعمه لكن فيه ناس ما تحسن تستخدمها
شوفوا الحديث فوق ياما درسناه و تعلمناه ليتنا نطبقه اللحين صح

عيشي حياتك و احسني للناس و عامليهم بخلق حسن و احتسبي الاجر
اتركي الناس و التدخل بخصوصياتهم من جوالاتهم او اجهزتهم او برامجهم و البحث عن عيوبهم لان انتِ اللي تتعبين
ريحي راسك من هالمشاكل
أنا أبسوي اللي أبي و الناس تسوي اللي تبي لا تحسدونهم و لا تبغضونهم و لا تجسسون عليهم
عاد كل واحد على أخلاقه و معدنه بيعاملك
سوي اللي يريح ضميرك و بس

و ترا الحساب يوم الحساب يعني كل انسان بيأخذ حقه

فلا تشيلي هموم و لا يضيق صدرك على دنيا تافهه
عيشي اعبدي ربك و ربي عيالك و اضحكي و استانسي وسوي اي شي تبينه بما يرضي الله لا تظلمين أحد و لا تشيلين على أحد تعيشين مرتاحه

خايفه من شيء ترا كللللل شيء مقدر و مكتوب و مالنا الا الدعاء و التسليم و الحمد .

ترا هالنصيحه لي قبلكم كلكم بس لو اتبعنا نصايح ديننا كان عشنا براحه .
الله يهدينا بس