يا متزوجات حنني قلب زوجك على خواته وامه .. دعوه لكل المتزوجات الله يجزاكم الجنه

السلام عليكم ورحمة الله وبركاته

هالموضوع يهم لكل بنت جالسه بيت اهلها ماجاها نصيبها الله يرزقنا الازواج الصالحين

اخواتي المتزوجات

عندي كلام بوجهه لكل متزوجة واخوات زوجها ماجاهم نصيبهم حننوا قلوب ازواجكم علينا

انتم الله يعطيكم العافيه ادري ماتقصرون والرجال طبعه نساي ينسى ذكروه تراه لك اجر

ذكروه ان له خوات بذات اللي ابوها متوفي .. الله يرحمه ..

والله العظيم اني اتمنى العمره وكم وحدة اعرفها ابوها متوفي ولها اخوان تقول منيتي اخذ عمره

اخواني لاهين مع بيوتهم ولاخذوا عمره يروحون لحالهم وصعب اقولهم بروح معكم اذا هو من حاله ماتكلم ..

اخواني الله يهديهم يعرفون اني اتمنى شي اسمة عمره عمري 29 سنه مارحت لها الا مره بحياتي

مع واحد من اخواني ومع زوجتة الله يوفقهم ويسعدهم .. اخوي هذا على نياته كلمة توديه وكلمة تجيبه بس زوجته وراه تذكره والله

العظيم ادعي لها من كل قلبي ورغم هذا عنده ظروف وديون مايعلم فيها الا الله رغم تذكرة السفر علي .. بس الله رازقه لانه بار بامي وبار

فيني .. بس حرام اشوف كل شي عليه واخواني ماشاء الله عليهم وظايفهم مره زييينه وكافين ايدهم

وسبق وقلت لاخواني الله يجزاكم خيير واحد منكم يسوي فيني خير وياخذ فيني عمره مابي شي منكم

التذكره مني بس ابي محرم ونفس اليوم نرجع والله يابنات ماحلفتوني انهم ليلة سفرهم للعمره يقولون لامي ترانا

بنسافر ناخذ عمره وبنفس اليوم نرجع علشان ماقول لهم بروح والله اني بكيت لين تقطع قلبي يومها كان برمضان

وانا كنت قايله له قبل رمضان بخمس شهور وكل يوم اذكره لين ليلة سفرهم

بكيييييت وتمنيت ابوي عايششش وحسيت اني اذل نفسييي من التعب بوقتها دقيت على شيخ

وجلست اصيييح واشكي له قالي :

فيه احد يمنع الاجر بوحدة ابوها متوفي !! لاحول ولا قوة الا بالله ..

قالي مابيدك شي تسوينه .. عليك بالدعاء والله عارف نيتك ..

يامتزوجات حننو قلوب ازواجكم على كل بنت متوفي ابوها تراها تحتاااج سند وظهر وعون لاتقولون زوجي

يجي لبيت اهله وماعمر البنت قالت شي .. ماعمرها اشتكت

ايه ماراح تشتكي لان اذا اخوها من لحمها ودمها ماحس وحاولت احسسه وماحس ليه اذل نفسي !!

اسالكم بالله يا متزوجات

عمر زوجك وفر قال وش تحتاج اختي ؟؟

عمر زوجك سال نفسه من يودي اختي ؟؟


المواعيد اسالكم بالله هل يودي اخته لمواعيدها ؟؟

انا مااعم بعض المتزوجات قسم بالله تنحط على الجرح يبرأ ..

ادري طولت عليكم كلام ..

وادري كلكم فيكم خييير

بس تكفووون ذكروا ازواجكم الله يذكركم بالشهادة ..

تذكري ان لك عيال تذكري ان الدنيا ماتدوم لاحد وتكونين بموقفنا او وحدة من بناتك ..

لا اله الا الله محمد رسول الله