يا ناس يا عالم أستحي أولد !!

مرحبا اختي ..
كلنا نستحي .. بس في ذاك الوقت (وقت الولاده) مااتوقع بتفكرين بالحياء تبغين تخلصين وبس ..
عموما أنا لسه ماجربت بس الله يسهل علي ويهون طلقي ..

نفس تفكيرج بس لازم اختي لعد كيف بتولدين اصلا هو الكشف احسه كثير صعب
على العموم انا بكرية وبانتظار البنات

حبيبتي فيض..

من فينا يحب يكشف عند حد .. اذكر أول مرة في حياتي اسير عند دكتورة قبل ما اتزوج لأن كانت عندي التهابات .. والله اني دمعت وبغيت اصيح مب بس بسبب الإحراج .. لكني بصراحة كنت احس ان طريقة الكشف مهينة وغير إنسانية وتبهذل كرامة الوحدة :sad:
فعلاً جذي كان إحساسي.

وحتى كنت استغرب كيف بعض الحريم يسيرن عند دكتور ريال .. يعني أنا كل هالأفكار يتني وانا سايرة عند دكتورة .. كيف عيل لو دكتور :crap:

بس الظاهر ان المسألة تخف شوي مع التعود :) .. وأكيد شعوري في البداية غير عن شعوري مع تكرار المراجعة خلال شهور الحمل .. صح بعدني اتضايق .. لكن بصراحة مب مثل الأول .. بالعكس صرت اقول على الأقل اتطمنت على البيبي انه بخير وما فيه الا العافية .. وفي حملي الحالي الجنين ما كان طالع على الشاشة بالفحص العادي .. وقالت الدكتورة انها مضطرة تفحصني فحص مهبلي عشان تقدر تشوف البيبي وتسمع نبضه .. وصدقيني من كثر خوفي عليه بروحي قمت دخلت الحمام عزج الله وخلعت (شو يسمونه) وطلعت لها ركض عشان تفحصني وتطمني على البيبي وعلى قلبه .. ووالله العظيم ان دقة من دقات قلبه تنسيج هي شو يالسة تسوي والا كيف تسويه.

أما وقت الولادة فيا حبيبتي وقت الوجع والألم ما بيكون فيج حيل تفكرين في اللي يصير لج .. وكل اللي بتفكرين فيه انج تبين تخلصين وبس .. وعقب ما يطلع البيبي بالسلامة ما تفكرين في شي غير انج تشوفينه بعيونج وتتطمنين عليه .. ولا بتفكرين الدكتورة شو يالسة تسوي.

وعلى قولتج حبيبيتي .. في النهاية هي ضروريات ما منها مفر ... وكله يهون عشان فلذات أكبادنا :)

الله يهون عليك وعلي وكل حامل ويرزق كل محرومه..يارب..

الحياء من الفطرة حبيبتي بس الوحده اذا جتها الولاده خلاص ما تفكر في شي اهم شي تقوم بالسلامه..
ومادامت اللي بتولدني دكتوره خلاص اتوكل على الله ودايم اقول في نفسي ماني اول وحده ولا اخر وحدة تالد<<< خخخخ اصبر نفسي

ولوكان دكتور ما فيه امل اوافق عليه لو ايش كان..

احس وقت الولادة مابتفكرين في شي غير انه يطلع وبس .. والحيا بيروح غصب .. ^^