يبنات اختي انسرقت

السلام عليكم

يبنات بدخل بالموضوع على طول قبل اسبوع كان زواج بنت خالتي اهلي جهزو انفسهم واشترو هدايا لخالتي وللعروس تقريبا ب 10 الاف ريال وربي شاهد وسافرت امي واختي للزواج اهلي ولله الحمد عندهم ذهب امي لبست الذهب يوم العرس وخبته في الشنطه حقت اختي يعني حريصين فوق ماتتخيلون على ذهبهم الذهب اللي لبسته امي نصه لاختي المسكينه مطلقه وهاذا هو شقى عمرها الذهب قيمته اكثر من 30 الف ريال اللي انسرق المهم يوم اهلي بيطلعون على المطار اختي دخلت الحمام الله يكرمكم تبي تتوضا قبل لاتخرج عشان الصلاه في وقت مادخلت الحمام (للمعلوميه هم موجودين ببيت خالتي) وبعد ماطلعت من الحمام راحت تفتش الشنطه مالقت الذهب وصرخت باعلى صوتها كيف انسرق ومن سرقه طلعو ذهبي جابت المصحف تحلفهم واحد واحد حلفو يابنات على المصحف ايمان غموس واختي شكت على طول وتاكدت ان اللي سرقته هي بنت خالتي لان قعدت تقول لاختي انا لو مالقيت فلوس اسوي ..... حاجات تغضب ربي استغفر الله هذا اللي اكد لاختي انها هي سرقته واهلي ماعندهم وقت للشرطه لان بنفس الوقت طالعين المطار للرحله وولد اختي عنده مدرسه والله يبنات اختي في حاله نفسيه مايعلم فيها الا ربي وقامت اختي تخاصم خالتي وتقلها طلعو ذهبي خلي بناتك يطلعون ذهبي تكلمها بكل برود وتقلها اسكتي فظحتينا ذهبك يمكن طاح بالشارع وشلون طاح بالشارع وقعدت خالتي تبكي وتقول لامي انتم اتهمتو بناتي وامي واختي متاكدين لان مافي بالبيت حد غيرهم امي زعلت وبكت وقالت هذا جزاي جبت لكم هدايا وجيت عرسكم وتطعنوناا بظهورنا وتسرقونا ويش ذا الظلم والله ينات اختي حالتهاا حاله مطلقه وعايشه على الظمان وهذا ذهب زواجها اللي طلعت فيه من ذي الدنيا والحين هم عارفين انه بنتهم اللي سرقته بس يبنات مكذبيناا وزعلانين بالله يابنات ادعو لاختي انه يرد حقهاا ويرويها فيهم عجايب قدرته متضايقه وحبيت افضفض