يحب اهله اكثر مني ومن عياله؟؟!!

طلعت من الاربعين وماجاء احد من اهله إلا بعد مهاتفه مني لزيارتي وانا بالطريق راجعه لبيتي جاء اتصال لزوجي من اخواته يسألون متى نوصل لانهم مجتمعين ببيتنا توقعت انهم مسوين مفاجئه لنا حفله اوشي فعند وصولي كنت تعبانه من الخط فصعدت مباشره الى شقتي وسلمت على من كان بطريقي من اخواته عشان ابدل ملابسي واغير لطفلي فتفاجئت بأخته تقولي ان امه زعلانه ليش صعدت فوق على طول قبل مااسلم عليها وانا كان قصدي بس اغير بسرعه وانزل ونزلنا مع بعض لما عطيته الولد وسلمت عليه ماسلمت علي مشيت الموضوع عادي وسولفت مع خواته مااحد منهم استقبلون استقبال فيه تقدير حتى قهوه ماصبوا لي قالوا لولدهم الصغير يصب القهوه لي ومر اليوم على خير وكان طفلي متعب جدا وحالتي بالنوم الله يرحم حالي ثلاث شهور وانا مع طفلي بحال زوجي يسهر ويقهرني انه ما يطلب مني البس نوع معين من اللبس يقولي احب عليكي كذا اوليش مالبستي كذا لااطرا عن اللبس وانا اعرف انه يحب اللبس بس ما يقول علشان ما اقوله متى البس لك من نقوم عند امك البس قميص كاني عجوز لان عمنا معاه مفتاح للبيت بالبدايه كان يدخل بدون ما يدق الجرس بعدين طلبت من زوجي يقوله قبل يدخل يدق الجرس وضليت على هالوضع ولما قلتله اني مليت ودي البس لك واتصلح لك قال انتي عاجبتن كذا لانه مايبينا نستقل فوق لحالنا لان البيت بيت ورثه وبعضهم من اخوانه وخواته متنازلين له وبعضهم لا فما يبي يعزل عشان امه تكون لحاله تحت(( عنده شغاله ))كان باجازة الصيف زواج اخوي وكنت ابي لروح السوق فواداني شوي ورجعني وحنا راجعين سألته ليش تسوي كذا ماامداني اناظر شي واخترت بسرعه اي كلام قالي عشان انت مانزلتي عند امي اليوم وطلعنا بعد وخليناه كانت وحده من خواته تقول اذا نامت امي الساعه10 اطلعوا اتمشوا فكان هو مايرضى بعدها حملت وجبت بنت وخلال حملي جتني زي الحاله النفسيه بس ابكي جابت امي وحده قرت علي وقالت هذي عين من خالتك لانه نزل من عرق كثير وسألتن من ببالك الحين قلت خالتي ام زوجي بنفس الشهر السادس بحملي الاول صار لي نفس الشي وزوجي مايبي اي كلمه على خواته حتى لو هم غلط وبعد مضي سنتين كان عندي مناسبه زواج بنت خالتي وكانت اغلى من خواتي وهو يعرف هالشي جبت له هديه من فلوسي بس هو دفع حق التغليف ووديته له وبالطريق تناقشنا وقال بعد ست شهور بنجي هنا عند اهلك وكنت احسبه يمزح لان زواج بنت خالتي مابقى عليه الا شهربهذيك الفتره كان العيد وكنت عند اهلي انا كنت احسبه يمزح لان مافيه مشاكل بيننا قبل الزواج بأسبوع قلتله ابروح اشتري لبس للزواج وعادي ودان السوق وشريت لبس وبعده قال لازم تروحين؟؟ويكررها لي وكنت اقول اكيد قالي اوديك بس خلي اخوانك يرجعونك وانا كنت ابي اقعد الاجازه اسبوع عند اهلي وتناقشنا بنفس يوم السفر بعدين قال لي انتي ليش تقولين ليش ماقلت لي انك قلت لاختك تاخذ شغالتي لاني محتاجه الشغاله وراي سفر ابجهز اغراضي اثاريه زعلان وبقلبه وسافرنا طول الطريق ماتكلم معي حتى كان ينام بالطريق واقوله وقف اخاف نصدم ووقفنا بعد وقت ربع ساعه ومشينا كملنا ساكتين دخل البيت عند اهلي معصب ومشى بدون مايقول واهلي كانوا ينتظرونه على العشاء وتركهم وارسلتله رسالة شكر طويله ومارد ونام برا وارسلتله ((مافيه كلمة رضا قبل ماتنام)) ولا رد من بكرا قمت بدري وارسلت ((ترانا صاحين اذا بتجي تتقهوا))مارد علي ودق الظهر قال تبين شي للعيال انا جاي الحين كوني جاهزه نجيب الاغراضاختي ولدي الكبير عشان يلطف الجو ماتكلم بأي شي لما رجعنا قلتله ادخل تقهوا قال لأ ابمشي بعد اسبوع كامل ماتصل فيه ولا ارسل وارسل ((انا جاي بالطريق )) استقبلته عادي بسلام عادي بدون حتى بوس بس كانت بقلبي ليش مادق بعدها صار نقاش بينه وبيني وقال انت ماتبين امي وخواتي وقال لامي وخواتي نفس الشي واللي يقهرني اني انزل لامه يوميا واتحمل كلامه على عيالي وفترة تعبه كنت اقوم بنص الليل اقطر بعيونه واطبخ عشاء وغداء اغلب الوقت ماقدر هالشي لي وقال بكل بساطه انتي ماسويتي شي لامي حسيت بالظلم واذا تكلمت باي شي يعصب ويقول وش دخل خواتي؟؟ وانا اصلا ماجبتهم بالنقاش بالعكس عاديين عندي واذا شفتي وحده منهم متضايقه ساعدته وقلت لزوجي يساعد هم ماديارفضت ارجع معه لاني ابي اعيش كأي زوجه تمارس حياته وتخطط له بنفسه حتى عيالي موب قادره اسيطر عليهم واربيهم بشكل صح لان خالتي الله يهديه اذا غلط الواحد منهم تقوله ياكلب ياحمار ياحيوان وهم حفظوا هالكلام وتضربهم ولااقدر اقوله لاتقولين كذا ولما قالتله امي هالكلام قال احسن خليه تضربهم تربيهم ان بغت تذبحهم وقال هي ماتقول قدامي كذا فقررت اني ماارجع الا بشروط وهي اني استقل فوق وانزل لامه يومين بالاسبوع وشغالتي ماتنزل لان خالتي عنده شغاله هو رفض بالبدايه وكان يقول انا مااقعد عند امي اطلع ولما قلتله نستقل قال لأ وانا لازم اقعد عند امي!! قلت كيفك انزله يوميا هذي امك مهما كان بس ترعي انت حقوقي وتجلس معنا وافق وانا ماصدقته لكن الشغاله تنزل يومياواذا نزلت ابلشون العيال يبونه وانا عندي شغل واذا نزلت يصير كل الشغل فوق راسه والشغاله الثانيه مرتاحه واذا صعدت فوق هلكانه ارحمه ومااقوله شي \\
وهددن انه ياخذ العيال من بس مانفذ تهديده وحلف مااركب معه السياره قال اهلك يرجعونك تصدقون حتى الاكل خالتي تحسبه علي واذا خلص شي تقول انه انا اللي اخذته ابوي خبرته قبل وتكلم مع زوجي وطاعه زوجي فتره بس رجعت حليمه لعادته القديمه والحين انا عند اهلي لي ثلاث اسابيع وقدمت له الحل اللي بيسعدنا ماراح يضر احد بس اللي براسه براسه اني مااحب امه مااحب خواته وناكر لي كل شي سويته لهم ويمن علي انا اوديك مطاعم اوديك السوق ومن هالكلام وهذا واجب عليه وانا مااروح للناس لاني مااقدر اعزمهم عند خالتي تفشلن قدامهم بأسألته بس اللي قاهرني شلون ينسى كل شي سويته ومايقدر لي تعبي وصبري وش رأيكم يااخوات كيف اتصرف ؟؟فيه احداث كثيره بس كثرت عليكم كلام اعذروني شاكره لكم جدا وللمنتدى الراقي انا نفسي ارتاح واعيش حياة مستقره انا ادري ان الحياة ماتخلو من المشاكل بس ابي يكون لي بيتي الصغير بدون تدخلات ومااتعرض للظلم((مستحيل اطلع ببيت لحالي عشان امه ويقول البيت لي ))%%%%%%%%%%%%%%%%%%%%%%%%%%%%%%هذي مشكلة اختي كتبتها بالتفصيل واتمنى منكم الحل؟؟%%%%%%%%%%%%%%%%%%%%%%%%%%%%%%%%

يااخوات اللي ماعندها رد اتمنى منها ترفع الموضوع للأهميه

جزاكم الله خير

عزيزتي من خلال ذكرك لتفاصيل دقيقة لها سنوات ارى انكي تدققين على كل صغيرة وكبيرة وهذا ما يوتر العلاقة مع حماتك

لا تخسري زوجك بسبب النقار والمشاكل تضيعي بيتك وتشتتي شملك

برأيي كل ما عملتيه لهم وستعمليه ارفعي كفيكي وقولي يارب اني احتسبه لوجك الكريم ولا تنتظري الثواب منهم لان ثواب الله اكبر واعظم

وبرأيي خلي لكل شيء حدود شغالتك ليش تنزل مدام عندهم شغالة انت لك بيت زي مالهم بيت

حافظي على استقلاليتك كزوجة وربة بيت وارسمي حدود لبيتك لا احد يتعداها

ولا تعطيهم تقرير عن تحركاتك وروحاتك لما يسألونك لا تعطي لا حق ولا باطل اعطي اجابة مموهة

وبابك خليه مسكر على طول اللي يدخل يستأذن ويرن الجرس واذا احد عاتبك قولي البيوت لها حرمات

الله يعينها

اللي يشوف بلاوي الناس تهون عليه مشكلته
وقولي لها تحتسب والصراحة احس ان زوجها رخمه ومطلع رجولته عليها


وتتحيسب على من ضلمها دايما ماعمري تحيسبت على ضالم الا الحمدالله ربي ينتقم لي

الله يكون بعونك مالك الا الصبر انا ماني بعيده عنك يعني الحال واحد بس انا امه ساكنه معي وانواع التدخلات الله يعيني يارب ياكريم وهاذا انا صابره وان شالله مراح اخسر