يحلف اني مريضه نفسياً!

صارت مشكله بيننا بسبب انو يكلم كاشيرة وماخذ راحته معها ف المحل بسبة بنت زوجي قالتلي وليتها ماقالت انا ماابغى اعرف شي مشكلتها تنقلي كلام وتكرهني ف الناس منافقه بشكل مو طبيعي لما دخلت قالت ابوي استحى من الكاشيره وخلاني اشتري عباية مطرزه ونقاب قصير ولما دخل ابوها قلت ليش تكلم حرمه ليش ماخليت بنتك هي تحاسب وتقيس ترى كبيره مايحتاج انك تتدخل
وجلسنا على العشا والله ماقدرت اكل مقهوره بتقولون ليش كاتم على انفاسي ويخاصمني على عبايتي مع انها ساده وواسعه ونقابي طويل واحط الطرحه على عيوني مااخليها زيهم بس بنته كبيره وخلاها تشتري الي تبي عشان استحى من الحرمه وخلاها تاخذها هو مايكلم بنات ومحترم من زمان بس بسبة بنته تغير والله صار اذا دخل محل ياخذ ويعطي معهم عادي لدرجة بنته تكلمه من جوال المعلمات وتوصفله اشكال صديقاتها والله اني ساكته طوال المده هذي وماتكلمت الا الليله جاني حرقه ف قلبي الى متى البنت هذي بتدمر حياتي بعد ماشافني ماتعشيت وطلعت السطح ولحقني فوق يعتذر مني وقالي اذا تبغين بيتك انصحك ماتسمعين لكلامها هي ناويه تدمر بيتك وانا تعبت من البنت هذي ومن نفاقها بعدها نزلت تحت وتغير كلامه قال اذا بتروحين لأهلك عادي بس عيالك يقعدون معي قلت خير والله لاخذهم معي قام يتذكر اشياء قديمه ومشاكل تافهه صارت بداية زواجنا مع ان اول اعتذر مني بعدين غير كلامه والله اني ودي اتطلق بس قلتلكم ان ابوي كان معنفني ويضربني حتى وانا كبيره وقلتولي لااتطلق وانا حايره بوضعي انا ماسويت مشاكل مع البنت والله ولاجيتها حتى اصحى من نومي اسوي غدا عشانها هي احنا مانتغدى الا العصر لو خبيثه كان كملت نومي وخليتها بس قلبي مايطاوعني بس تعبت من نقل الكلام ذا كرهتني ف الناس وزوجي يقولي احتاج علاج ومريضه نفسيا لدرجة بكيت قهر والله جاني ولدي يحل الواجب وطفيت اللمبات عشان مايشوفني تذكرت لو تطلقت راح اتبهذل بس يقولي ابوك دايم يجي خليه ياخذك معاه تغيرين جو وبعدها قالي انا احبك وشاريك ولاابغى افارقك ويرجع يغير كلامه ويزعل والله هو الي مريض عجزت افهمه 😭
تنصحوني اكلم اخواني واحد منهم يجي ياخذني ولااسكت بس لمتى اسكت والله حتى الصداع بيفجر راسي من التفكير احس زي انه واثق اني ماراح اطلع من البيت وقاعد يذلني