يريديني اروح لامه ابوس راسها واعتذر لها!!

بنات والله متضايقة وواثقة من اراؤكم السديدة..


انا مرة كتبت مشكلتي هنا
http://forums.hawaaworld.com/showthread.php?t=2248397

والموضوع عن عمتي ام زوجي,,من يووووم ماجت تخطب مالقيت منها ريق حلو وللا ابتسامة,,وعدتنا نسكن

في احد بيوت ابوزوجي وتغير رأيها كل مرة زي ماكتبت في الموضوع السابق,,ماساعدت ابنها ولا بريال,,واكيد

السبب انها طمعانة فيني لاني موظفة وعندي سيارة كمان,,عيشتهم عيشة فقر وتفشششف شديد مع ان

عندهم خير بس تكدسه ,,على طول ساخطة ومتأففة وكارهة عيشتها وتريد ابنها عندها كل يوم,,طيب انا

موظفة وبعدين اعتقد يكفي مرة في الاسبوع وللا مرتين!!

وبعدين المشكلة الاكبر في بيتهم هي الاختلاط,,ماخذين المواضيع فري وانا اشوف ان هذا الشي غلط وعشان

كدة الزم حدودي والسلام عليكم وعليكم السلام وهو يشتكي مني ليش ماتكلمي اخواني!! اقول له الحمو

الموت لكن!! وغير كدة عندهم قريبهم ابن عمهم مدري ايش يقرب لهم على طول جالس عندهم في البيت

هو ومرته اللي تضحك مع الكل وتمازح الكل وعاملة دمها خفيف وماتنتبه للبسها ولو استشورت غرتها ضروري

تبينها لان شعرها مش ناعم اصلا ,,وطبعا عندهم هي خفيفة الدم وانا الثقيلة بس انا مايهمني لاني واثقة من

نفسي واني ارضي ربي,,

نرجع لموضوعنا امه,,امه احس ويبااااااااان انها مش طايقاني وانا كمان بسبب كذبها وخداعها ما اطيقها بس

احترمها طبعا,,لكن اتخيلوا مثلا لما اجي لعندهم اسلم عليها وابوسها الاقيها جاااامدة مافي اي انحناءة تدل

على الترحيب,,طيب بالعقل كيف هو يريدني اعاملها بعد كدة؟؟انا تعبت,,واخر شي امس اتهاوشنا على ايش!!

قال لي امي ضرسها يعورها خلينا نوديها - مع العلم اني كان عندي مشوار ضروري للمستشفى -بس قلت

له تمام-طبعا بنوديها بسيارتي مع انها عندها عيال ثانيين لكن هي ماتريد غيره يوديها-المهم رحنا لبيتهم واخذناها

هي واخته ووديناها المستشفى وعلى بالي خلاص ,,اتاري اخته تريد تروح المستشفى كمان طبعا مستشفى

ثاني, المهم وديناها ودفعنا مبلغ وقدره وكان زوجي اعطاني حقها الوصفة حق الادوية,,امه دخلت الصيدلية عشان

تشتري بنادول وانا قلت له هذي الورقة حق فلانة ومارضت تاخذها من يدي قمت قلت لاخته هذي ورقتك,,انا

اعطيتها على اساس تشتري لبنتها مع ابنها,,المهم وروحنا البيت ومارحت موعدي,,اليوم الثاني اللي هو امس

في الليل قال لي خليني اشتري لامي الادوية قلت له تمام,,وهو من صيدلية للثانية لغاية ماحصل الادوية وراح

لها ,,جلس يشرح لها وهي ممددة ماكلفت نفسها تتفرج عليه,,فجأة نطت وقامت وقالت له تعال اريدك في

الغرفة,,وكان صوتها عالي بس ماسمعت ولما خرج وروحنا قال لي ليييييييييييش تعملي كدة؟! قلت له ايش

عملت قال لي ليش تعطي ورقة الادوية لامي!! قلت له ايش فيها عشان تشتري لبنتها يكفي الفلوس اللي

صرفناها,,واتهاوشنا ومن بين الكلام قال لي اصلا انتي دارية ان زواجنا في البداية كان في مشاكل -بسبب العقد

ابويا كان رافض يعقد لي عشان يذلني لانه طلق امي وفي مشاكل بينهم ولاني اصرف على امي وخواتي-

قلت له الموضوع حصل من تسع شهور وانا الف من يتمناني ولو حملت من يومها لكنت خلفت حرام عليك!!

وقلت له روح اتزوج وحدة على مزاج امك وصحح الغلطة خلاني انهار والله ماحد غصبه يتزوجني انا اصلا كنت

يأست اني اتزوج بسبب عمايل ابويا اللي يحتاج لها موسوعة,,

المهم في اثناء النقاش كنت وافقت على اني اروح بكرة يعني اليوم لعند امه اصحح لها سوء الفهم اللي هي

افتعلته بس هو يريدني ابوس راسها كمان وانا حاسة انها تريد تذلني عشان اكون تحت امرها,,

بنات ايش رايكم والله تعبت من اسطوانة اهله المشروخة وكمان اخرتها امه تريد تذلني لييييييييييش؟!!

ايش رايكم ايش اسوي اليوم لما اروح لها وكيف اكلمها,,هو يقول لي حاولي تكسبيها بس انا اكثر من كدة ما اقدر

ما اقدر هي صحيح امه بس انا احترمها زي اي حرمة كبيرة بس ما اقدر احبها لانها ماتنحب حتى عيالها مايحبوها