ليش ذاب الصدق بقلوب الرجال ؟!
ليش انا قبل الزواج كنت اناديها " الغلا "
وكنت اناديها " الغرام "
و " بعد أُمي وابوي "
و " ضحكتي ... وابتساماتي ... وبلسم جرحي المفتوح وجروحي
وعقب ما ربي جمعنا ...~
واجتمعنا
وصرنا أُسرة
وصرت انا واياها جميع
نصحى وننام
ونشرب بكاس الغرام
ويوم اناديها تجيني ما تأخر
وتقول " ســم ...! "
و " لبي قلبك يا بعد قلبي انا "
صرت اناديها عقب ذاك الغلا
" هيه... وينك يامره ...؟!"
ليش انا قبل الزواج كنت اكلمها
واسولف
واقضى ساعات وزمان
واحتريها
وحتى لو تأخرت ... او اخلفت ميعادها
ما ازعل عليها
لاآآآآ
ولا حتى اعاتبها شوي
وكنت اشوف عيوبها بعيني جمال
ونقصها بعيوني هو معنى الكمال
ويوم صرنا مع بعضنا
لو حكت لي كلمتين
او سولفت ... او مازحتني وضحكت
قلت : كافي ... بس ... ما ابي قلة ادب
" واعتقد يكفي كلام وبربرة ...!! "
يااااااااااااااااااااااهـ !!
بعد ماكان الحكي بشفاهها ينقط عسل
صار بتاليها حكي...؟!
لآآآ
وليته حكي ...
صار اسمه " بربرة ... أو ثرثرة ...!! "
ليش اراضيها منوّل يوم تزعل
وما آتحمل بس لو لحظة زعل
وكنت ادللها
واموت بضحكها
واقول " آسف يا غلاي "
واكتب لعينها لين ترضى
وعقب ما ربي جمعنا
من تزاعلني اقول لها" في بليس ... طقي راسك بالجدار أنتي حي الله بقرة ...!! "
وربي احنا صدق ]
واشواق
ومشاعر
وعشقنا من دحدرة في دحدرة
ماعرفنا وش معنى البنت ~
ولا عرفنا قدرها
ولا وفاها بصدرها
وما حكينا عن غلاها
ولا صفاها
ولا هواها
ولا دفاها
بس نتكلم على
ثرثرتها
وبربرتها
وحكيها السامج
ما نخاف الله يعاقبنا وهي
عطر دنيانا وهوانا ~
بدونها تظلم سمانا ... بدرنا في خدها ~
وصبحنا في قدها ~
وشمسنا بكفوفها ~
وربي وردة ... يا سعد من شمها ~
وغيمةٍ تمطر حنان ... والحلا في دمها ~
وشكل بسمتها جنان ... والكرز في فمها ~
وبن عمتها المطر ... وغيمة الشوق أُمها ~
و ولد خالتها الربيع ... والزهر هو عمها ~
وخصرها دنيا لحاله ... حظ صدرٍ ضمها ~
وريقها نكهة عسل ... والعطر في كمها ~
وشهي الدنيا اذا ماهي بها ...؟!
صحراء مافيها ربيع !
وعيون كاسيها الوجل !
و وجيه ما فيها امان !
وطفل يبكي !
وشيخ يشكي !
ودنيا مافيها رفيق !
وصحبة ما فيها وفاء !
وقلوب ما فيها حنان !
وما احدٍ يرحم احد !
برحمتك يارب ... " خل لهم لنا "
بضحكهم
وهبالهم
وخبالهم
ودموعهم
وشموعهم
ويا حلو تدليعهم
ويا حلو تدليلهم
رحمتك يارب ... " خلهم لنا :35:
&حياة الروح& @amphya_alrohamp
محررة ماسية
يلزم عليك تسجيل الدخول أولًا لكتابة تعليق.
ايه والله وين هالرجال اللي كتب هالشعر
الله يسلم ايدينه
الله يسعدك حبيبتي ماقصرتي
الله يسلم ايدينه
الله يسعدك حبيبتي ماقصرتي
الصفحة الأخيرة
انقرضو الرجال اللي مثله
صار عندنا ذكوووووووووور فقط همهم انفسهم فقططط
كل همه في هالدنيا اكله وشربه وشهوته الا من رحم ربي
واتوقع الرجال اللي كتب هذي القصيده ماااااااااات
آآآآآآآآآه يارب رحمتك يااااااااارب :(