يصير اقرى سوره البقره من هالكتاب وانا عليي الدوره ؟؟

السلام عليكم خواتي
انا حييييييييييل ضايقه فيني الدنيا وهمومي ومصايبي تزيد بشكل فظييييع
والحين عليي الدوره
عندي كتاب فيه سوره البقره اهو القران مسوينه على اجزاء
بس البقره كامله في كتاب واحد
يعني مايعتبر مصحف
يصير اقراها من هالكتاب ؟؟
يمكن ببركتها الله يفرجها عليي خلال هالايام
لان خلاص تعبت
انا طبعا تقربت لربي بكل الطرق من صلاه وصدقات وصلاه الليل واستغفار وتسبيح وتهليل كل شي سويته
طريقه الشيخ المشيقيح
والاستغفار
والصدقات
الدعاء
وادعيه الهم والكرب
كل شي سويته بس العمره لان مو متيسره لي للاسف
على امل الفرج
بس مادري معقوله ربي يكون ما استجاب لي ؟؟
مادري شسوي
تكفون فيدوني
انا البقره ماكنت مواظبه عليها بس احاول اقراها قد ماقدر
او اقرى سوره يس
لانها طويله وانا موظفه الصبح دوام وارجع انام وعقب اقعد مع عيالي ومسؤوليات تهد الحيل لاني مطلقه
دعواتكم لي بالفرج وان الله يهديه وما ايي رمضان الا واحنا رادين لبعض طلبتكم
بس فيدوني بسؤالي عسى ربي ينولكم مرادكم

والله حتى اول امس حلمت ان ردينا لبعض وقال لي صايره ضعفانه وان استانست واسمع خالتي امه تتكلم بالتلفون واهلها يباركون لها بردتنا
وامس حلمت انه قاعد يجامعني
والله ماودي اصحى من هالاحلام
بالاحلام قاعد يتحقق كل الي ابيه وبالواقع كل اموري تتصعب وامنياتي شبه مستحيله
جان زين بهاللحظه ربي يامر ويقول كن فيكون ويتعدل كل شي وارتاح جان زين