يضربها ويطردها .. ويقول مااطلقك الا لمااتعطيني فلوسي !!!

السلام عليكم ورحمه الله وبركاته ..
انا بدخل في الموضوع على طول بدون مقدمات ...

المشكله انها حصلت مع شخص مقرب لي ,, وهي انها تزوجت للمره الثانيه , ولم تتوفق في حياتها معه
بسبب معاملته لها القاسيه , وهي الان في بيت اهلها ولها الان ما يقارب 3 سنوات معلقه !!
لايزوها ولا ياتي للاصلاح حتى اذا ارسلت له ناس يصلحون طردهم وما سمع منهم شئ ,,
ودائما يتكلم عليها بكلام في سمعتها ويشوهها لها , حتى ما يصرف عليها هذي الفتره كلها
وكل ما قالوا له الناس طلقها وارتاح قال لا انا ابغاها تنذل خلها معلقه ,,
وهي طبعا لها سنتين تداوم في المحكمه ,, من جلسه لجلسه ما انصفوها ,, وهو يقول للقاضي تعطيني فلوسي واطلقها والا خلها معلقه !! تخيلوا كيف ..
والله انها تعبت نفسيتها هي اهلها احوالهم تعبانه ماتملك شئ تدفعه له والا كان تخلصت منه ,
بس هو مو حرام عليه يسوي فيها كذا ؟؟
دايما يضربها ويهينها ويعيرها بحالها , حتى عياله صاروا يسبونها ويسوون لها مشاكل كل يوم ,,
كل يوم على كذا مشاكل وتعب ونفسيه ,, واخر شئ طردها من البيت بسبب تافه علشان بنته
وبعدين يقول للقاضي اصلا انا ابغاها خلها ترجع ,, وهو كذاب ما يبغاها بس علشان ياخذ فلوس
والله احس هالفلوس حرام عليه ياخذها , يعني بالله تجلس عنده خمس سنوات تخدمه وتخدم عياله
وزوجه له يستمتع فيها زي مايبغى وفي الاخير يطردها ويقول اعطيني فلوسي واعطيك حريتك
اسالكم بالله هل هذا الشئ امر فيه الشرع والا يرضي الله ؟؟؟ حتى الخدامه لها حقوق ؟؟
والله نفسيتها تعبت مررررررره حتى كلام الناس ماسلمت منه ,, الله يعرف قصتها يدعي لها واللي ما يعرف
يطلع كلام بكيفه ,,

المهم اللي ابغى اسال عنه الحين ::
ماهي حقوق المراه التي لا تعلم عنها شئ ؟؟
حقوقها التي اعطاها الشرع وهي غافله عنها , ولا تعلم عنها شئ ؟؟
نصيحه توجهونها لها ,, او على الاقل دعوه صادقه لها بتفريج كربتها ....
ابغى اعرف راي كل واحده قرت الموضوع في حالتها ,, من غير تحيز وايش تنصحها فيه ؟؟

والله اني مقهوره عليها .. ترى هذا الموضوع ممكن يفيد نساء كثييير ما يعرفون وش هي حقوقهن
فلا تبخلوا علينا بما تعرفونه ,,,
اسال الله العلي القدير باسمائه العلى وصفاته الحسنى ان يفرج عنها وعن جميع المظلومات ,,,