يعافيكم ربي احتاج نصائحكم و تجاربكم

رفع . اللي ما تعرف ترفع الموضوع

ررررررررررفع

بنات الله يعافيكم ردو على موضوعي والله محتاجه ضروري

هلا اختي اولا نعيما مقدما :)
الليزر احسن شي سويته في حياتي مريح جدا ..
انا اسوي في ديب كير في الرياض مرتاحه معاهم المكان نظيف و الممرضات بشوشات .. بالنسبه للاسعار مرات يسوون عروض ..
الليزر ممتاز يلي شعرها غامق حتلاقي نتائج مرضيه بس يلي شعرها فاتح او وبري ما انصح فيه حيعمل نتائج عكسيه و يزود لها الشعر ... الشعر الوبري له تقنيه اخرى اسمها التشقير .. و الشعر بعد الجلسه بكم يوم حيطيح ( اتكلم عن الليزر العادي .. التشقير ما جربته للامانه )
الليزر ممتاز للمنطقه الخاصه و الاندير آرم حترتاحي و تقولي ليتني زمان سويته .. بالنسبه للمنطقه الخاصه ما اعرف عن الحكم الشرعي من ناحية انو الممرضه تسويه .. بس انا اول مره خليت الممرضه تسويه و ما ارتحت .. تاني مره قلتلها علميني كيف .. تالت جلسه صرت اسوي الذاتي .و خليت الممرضه جوا الغرفه و تعطي ظهرها لاني كنت خااايفه خخخخخ . رابع مره خليت الممرضه تطلع بره و اغلقت الباب بالمفتاح ... و سويته مررره سهل و ما يحتاج كل هادا الرعب خخخخخ و خلاص استمريت على الذاتي .. و طبعا اذا عليكي العذر الشرعي ما تسوين ليزر لهادي المنطقه استنيها تخلص
نظافه ما بعدها نظافه الله يجزاه خير يلي اخترعه .. تبدئي تشوفي النتائج على الجلسه الثالثه .. و حيخف الشعر كثييييييير
بالنسبه للحف ممكن تحفين بالموس قبلها بيوم .. و اصلا هم يحفون وقتها ...
و انتبهي ما تنتفين ( تشيلين من الجذور ) بالحلاوه او غيره خلاص اذا بتستخدمين ليزر ممنوع النتف و لا كل شغلك و فلوسك بضيعون بلا مؤاخذه
. بس ممكن تحفين بالموس بين الجلسات ..
بعد كل جلسه فيه جلسة رتوش مجانيه .. تكون بعد الجلسه ب ١٠ او ١٤ يوم كحد اقصى .. يضربون الشعره يلي ما انضربت ... و الممرضه تقولي اذا طلع شعر بين الجلسه و الرتوش لا تشيليه لا بموس و لا غيره .. الصىراحه انا ما ارد عليها اشيله بالموس مرات الواحد معزوم و ما احب اقعد عند زوجي بلا مؤاخذه كدا فما ارد عليها خخخخ
بالنسبه للجهاز .. يعتمد على البشره .. ممكن تدخلين عند الدكتوره و تشوف و تقرر اسم الجهاز و الدرجه .. انا استخدم جهاز جنتل ماكس برنامج ( اليكس ) مرتاحه عليه و نتائجه جميله
بعض العيادات تستخدم اجهزة ليزر فيها هواء بارد لتخفيف الالم .... جربتها مره قبل ما اطيح على جهاز جنتل ماكس و الله مؤلمه اكتر من الاجهزه يلي ما فيها هادي الخاصيه ما حبيتها .. و الالم محتمل .. اهون من الم الحلاوه ... و هي اصلا الممرضه المفروض تبدأ بدرجه قليله ... ممكن كيف تعرفي الجهاز ناسب بشرتك و لا لا .. اعملي اختبار .. تضربك الممرضه في منطقه صغيره و بعد٢٤ ساعه شوفي اذا تحسست البشره او لا ... و هي الممرضه المفروض تستخدم كريم بعدها مباشرة مثل فوسادين .. انصحك تاخدي الكريم حقك معاك لانو الكريم يلي عندهم يستخدموه على كدا شخص ...
بالنسبه للبنج ... فيه ناس تستخدمه .. ممكن العياده توفره و ممكن تشتريه من الصيدليه و اسأليه متى تحطيه قبل الجلسه بكم عادة قبل نص ساعه ... بس انا ما استخدمه فيه ناس يقولوا ممكن يعمل حروق و ناس تقول ممكن يغمق ... الالم مره محتمل و اصلا على كدا جلسه حيخف الالم كتير لانو الشعر قل .. انا ساقي كان يألمني مرره لدرجه اني طلبت بنج .. بس بعد تلات جلسات ما عدت احتجت و صار الالم محتمل ... و اكتر شي حبيته في الليزر للساق .. كنت اعاني من جلد الاوزه ( نقاط على الجلد بسبب وجود شعر داخلي ) و ما خليت صنفره و ما خليت طريقة ازالة شعر بس ما فيش فايده .. الليزر خففه كتييييير و صار كمان ما فيه شعر و لله الحمد
و الاندير آرم عندي كان رمادي لونه بسبب الحلاوه
. بعد كدا جلسه صاار ابيض على لون جلدي و الحمد لله و ما فيه شعر ... ما شاء الله تبارك الله
بس يبغالك تصبرين ما تتوقعين تشوفين النتائج من اول جلسه و لا حتى من تاني استني و حتعجبك النتائج مره .. اهم شي تطيحي على عياده نظيفه و ممتازه و الجهاز يناسبك
بالتوفيق

و بعد الليزر في العاده ممنوع تتروشين ( الاستحمام ) .. استني ٤ ساعات و بعدها تروشي .. عشان ما يتحسس الجلد ... الصراحه انا ما ارد عليهم خخخ ارجع طوالي اتروش .. و استخدم صابون و شامبو عادي بس ما اليف جسمي عشان ما اتحسس و اخلي المويه دافيه مو حاره و لا بتتحسسين ...
انا اتروش على طول لاني ما اعرف يلي قبلي نظفوا وراها كويس او لا .. مهما كانت العياده نظيفه ...
انا اتكلم عن نفسي حابه تستنين ٤ ساعات بعدين تتروشين على راحتك .. بس اذا تروشتي على طول زي ما انا اسوي و تحسستي لا تدعين علي خخخ تدرين كل جسم يختلف عن التاني ..
انا الحمد لله ما اتحسس .. اتكلم عن نفسي .. بس للامانه اول كم جلسه كنت استنى ٤ ساعات ... بعدين صرت اتروش على طول ما استنى خلاص جلدي تعود على الليزر بس في البدايه كنت اخاف فاستنى ال ٤ ساعات