ياأهلنن ياأهنن يابنوتات ياقمرات وعسولات
عاملنييين ايييه
يارب بخير يا حبيباتى
حقيقى وحشتونى ووحشتنى ردودكم و كلامهم الجميل
ووحشتنى الصحبه الصالحه فى الجو الايمانى الرقيق فى بيت جميل بيجمعنا وبحب عظيم وهو الحب فى الله
حبيبتى موضوعى انهرده عن الحـــب
وعن اننا كلنا بنات مشاعرنا رقيقه بطبيعتنا كبنات بنحب الضحك و المرح والدلع
بطبيعتنا فينا الرقه و حب الجمال و الشياكه
لكن حبيبتى
اوعى تكونى كدا بره بيتك ولغير المحللين ليكى
حبيبتى
اذا فيوم قابلتى شخص وحسيتى نحيته بنوع من المشاعر .... فتوقفى
او يدق قلبك باول نبضات الحب فتوقفى
او تشعرين بسعاده غامره لنظره او لبسمة او لهمسه فتوقفى
او تبدأى بحوار هادى جميل يشير لمشاعرك الرقيقه فتوقفى
او حسيتى ان مشاعرك بتتحرك ناحيه شخص معين فتوقفى
وفكرى حبيبتى
هل ينفع تحبى انسان غير زوجك ؟؟
هل ينفع تحبى انسان وتوهبيه مشاعرك سواء قلتيله انك بتحبيه او لا ؟؟
هل ينفع تتجملى وتتزينى وتدلعى فى كلامك معاه عشان تلفتى نظره ليكى اكتر ؟؟
هل ينفع اختى وحبيبتى انك تسعى للكلام معاه وتتمنى كدا ؟؟
طب حبيبتى واختى
فين عفتك وكرامتك و قيمتك وقبل دا كله الحيـــاء
فين البنت الرقيقه الغاااااليه اللى تحافظ على نفسها وعلى اخلاقها كبنت مسلمه
فين البنت الجميله اللى صاينه نفسها بحجابها و بعيييده كل البعد عن الكلام مع الولاد
تخيلى يا حبيبتى
انتى صاينه نفسك لزوجك سواء كنتى عرفتيه او كان لسه فى علم الغيب
فانتى بضميرك لا انا مش هحب الا جوزى
لا انا مش هتكلم ولا هتزين الا لجوزى
انا مش هعمل حاجه تغضب ربنا ابدا
وهبقى بنت مسلمه فعلا
حبيبتى واختى
بحزن جداا لحال اكتر من بنت كلمونى عن مشاكل ليهم بسسبب الحب من طرف واحد
وتعبانين نفسيا بجد و مخنوقين ومتضايقين حاسين بملل وفتور فى الحياه
طب ياحبيبتى طرف واحد او طرفين
حاجه مهمه اوى لازم تبقى فى بالك
ان الله سبحانه وتعالى قبل خلقك كاتب ليكى نصيبك هيكون مع مين
ومين اللى هتتجوزيه وتعيشى معاه
طب لييييييييييييييه بقى يا بنات كل اللى بيحصل دا
ليه الخروج بالملابس اللى بالشكل دا
وليه البنت هى اللى بتسعى لخف الراجل وللفت نظره
وليه اصلا ياحبيبتى بتفكرى فيه
صدقينى
هو لو من نصيبك هيجيلك ويطلبك بكـــــــــل احترام و ادب وتدين
ولو مش من نصيبك وعايز بس يضيع وقت فراغ عنه ... او يتمظهر بحب البنات ليه
حبيبت قلبى
وعارفه ان المشاعر و الرقه بطبعنا كلنا
ولو كنا غير كدا يبقى مينفعش لاننا بنات بطبعتنا فيها رقه وحب وحنان ودلع
لكن كل الحجات الحلوه دى لجوزك بـــس
فبلاش تخليها لكل الناس كبير او صغير محترم او غير محترم
بلاش يا حبيبتى
اللبس الضيق او اللى بيصف جسمك
وبلاش الرقه و الدلع فى الكلام
وبلاش تروحى لاماكن الشباب
وبلاش تلفتى نظر اى شاب ليكى ولجمالكقال تعالى(ذلك أدنى أن يعرفن فلا يؤذين)
واتقى اللـــــــــــــه سبحانه
وخلى جواكى ايمان وحب لله وخوف منه سبحانه
صلى دايما قيام ليل لو ركعتين
واقرى قران باستمرار وداومى على الذكر
حبيبتى
ياريت تفكرى فى كلامى ليكى
وتتقى الله العظيم فى كل تصرفاتك وامور حياتك
وداومى على الاستغفار فهو والله حل لكل المشاكل
واسال الله لكى اختى وحبيبتى
الصدق وحسن النيه فى القول وفى العمل وفى التقرب لله
وان يجعلكى من الطاهرات المحترمات العفيفات المتدينات
ويارب يرزقكم اجمعين بالازواج الصالحه
وان يجعلكم خير مثال للبنت المسلمه
أحبكم في اللهواخيرا اسالكم الدعاء لى بظهر الغيب
اختك الصغيره
همسه فى الظــــــــــــــلام
وربنا يرزقك من خيري الدنيا والأخرة
كلااااام جميل ورائع