حلقة 1
هدير قاعدة بتسبح بعد قيام الليل ... سمعت واحد بينادي في الشارع علي واحد اسمه سامر
فلاش بااااااااااااااااااااااك
- الحقيقة يا عمو سيد انا مش عارف اشكر حضرتك ازاي انك وافقت علي ان الخطوبة تكون بالسرعة دي .. رغم امكانياتي المحدودة ..
- يا سامر انت راجل .. واحنا بنشتري راجل .. وانت عارف انا بعزك قد ايه من صغرك .
- ربنا يخليك يا عمو .. كان نفسي اجيب لهدير شبكة تليق بمقامكم .. بس والله لو كانت امكانياتي تجيب اكتر من الدبلة مكنتش اتأخرت .
- يا سامر يا حبيبي متشيلش هم .. انت نسبك غنيمة .. ابوك كان طول عمره راجل معايا وجدع .. وانت طالعله يابني شهم وجدع .. راجل من ضهر راجل .. وانا مطمنش علي بنتي مع حد .. قد ما هطمن عليها معاك .
- ربنا يخليك يا عمي .. بس ممكن طلب صغير .
- اؤمر يا بني
- ممكن هدير تبقي بشعرها في الفرح .. انا بصراحة نفسي هدير تبقي اجمل عروسة في الدنيا .
- ها ها ( بغييظ ) .. طول عمري بقول عليك (عيل) من عيالي.
- ربنا يخليك يا عمو
:D
- ثواني اناديها .. يا هدييييير
- ايوة يا بابا .. تحت امرك
- سامر عايزك تبقي بشعرك في الخطوبة (نظرة عتاب)... انتي موافقة؟؟
- والله يا بابا اللي تشوفوه .. بس انا افضل البس طرحة سبانيش .. اهي سترة شوية .. وكمان موضة وشكلها شيك .
- بس يا بنتي ده حجاب اليهود .. وانتي عمرك ما كشفتي رقبتك .. ليه تعملي كدة في نفسك .
سامر: جري ايه يا عمو هو حضرتك عايزها تلبس خمار في الفرح ولا ايه .. ده كدة الناس هتضحك علينا .
ابو العروسة : انا قايم واتفقوا سوا .. انا غلبت معاكم .. انتم جيل متعب .
--------------------------------
- اخيرا ابوكي قام .. انا عايزك في كلمتين .
- بلا كلمتين بلا بتاع .. انا مرضيتش احرجك قصاد بابا .. شعري ايه ده اللي اقعد بيه قصاد الناس .. ده انا وجعتني اوي كلمة حجاب اليهود اللي بابا قالها دي .. عايزني ابقي مكشوفه كمان .. كان ناقص تقولي البسي فستان من غير بادي تحته .
- طيب ماهو ده الطبيعي .. اومال انتي هتقلدي الفلاحين بقي وتلبسي بدي كارينا تحت الفستان .. ناقص اجيبلك بنطلون بيجامة !!
- ربنا يسامحك يا سامر .. انا لولا اني عارفاك من زمان وجارنا .. كان زماني فهمتك غلط خالص.
- خلاص بقي يا دودو متزعليش .
بدا سامر يقرب ايده من ايديها .. فبعدتها فجاة
- انت بتعمل ايه .. انا قلتلك حرام تمسك ايدي .
- خلاص براحتك كدة كدة بكرة الخطوبة .. وهلبسك الدبلة .. وابقي بقي اكسفينا قصاد الناس.
- لما يجي بكرة يحلها الحلال (ابتسامة ) .. لما تبقي خطيبي حاجة ودلوقتي حاجة .
---------------------------------------
تاني يوم الصبح بدري دوشة في البيت جامدة اوي .. وعيال صغيرة بتجري وعاملة شقاوة .. وكل شوية يدخلوا علي هدير اوضتها يحاولوا يصحوها بغلاستهم وشقاوتهم .
جرس الباب بيرن .. تن تن تن تن
- لو سمحتي ده بيت هدير سيد
- ايوة انا والدتها
- طيب يا فندم انا جايبلها الفستان اللي راحت حجزته من الاتيليه من اسبوع .. هي طلبت انها تستلمه انهاردة .
- هاته كدة وريني .... الله .. ده جميل اوي وكله زخرفة وهيخلي جسمها يبان حلو اوي .. تعالي يا سعاد شوفي الفستان جميل ازاي وكومامه شيفون متطرزة حلو اووي
- عندك حق يا نجاح .. الفستان هياكل من هدير حتة لما تلبسه .. الف مبروووووك .. لولولولولولوللللللي.
--------------------
هدير : ايييييييييه الصداع ده بجد مش هينفع كدة .. اظاهر لازم اقوم دلوقتي .. اما اروح اخد علبة الماسك بتاعتي علشان وشي ينور انهاردة .. يارب عدي اليوم ده علي خيير
هدير راحت تمد ايدها علي علبة الكريم وقعت صندوق صغير كله ورق صغير .. كانت لما بتتمني امنية تكتبها في ورقة .. وتحطها جوة الصندوق .
اول ما الورق وقع من الصندوق ابتسمت .. ورجعت معاها ذكريات الماضي .. من يوم ما كانت بتحلم بالفارس اللي هيجي يخطفها علي حصان ابيض .. او حمار مش مهم .. المهم يجي ويعبرها .
بتمد ايدها علشان تاخد الورق اللي وقع في الارض .. وبتبص علي اول ورقة .. لقت مكتوب فيها
" اقسمت عليكي يا نفسي ببارئك .. اني تكون في عفة مريم حين تصادفي قائدك الي الجنة وزوجك وشطر روحك "
هدير حست بصدمة .. وكأن اللي كتب الورقة دي واحدة تانية .. غير اللي عامله فرحها في قاعة كلها رقص ودي جي بعد كام ساعة .. عنيها دمعت ومستحملتش الموقف .
يا تري هدير هتتصرف ازاي في اليوم ده .. او ايه هيجرالها ؟؟
يتبع <<
منقول من صفحتنا على الفيس بوك
انا هكون يوسف وانتى هتكونى مريم ومش هنحب الا ازوجنا
فريق العفة @fryk_alaaf
عضوة جديدة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️