عزيزتي لاتكدرين نفسك

أقلك بالعكس قلة الكلام أفضل وعودي نفسك انك تخففين كلامك اختصار لشغلات كثيرة

وأحسني الظن لأهل زوجك تخيلينهم أهلك ، وابو الزوج وام الزوج مايصير نجاوبهم لو وصلت الامور يزعلونك ، هم كبار بالسن ولهم

الاحترام خلي كلامك دايم طيب قدامهم ، أسمعي من هنه وطلعي من هنه لاتدقين على كلامهم احسن لك

عودي نفسك الوقت الي جالسين فيه استغفري وصلي على النبي صلى الله عليه وسلم قي سرك

عسى الله يوفقك وييسر لك امورك

اختي لا تاخذيها بسوء نيه ترا يمكن قصده انك انتي اللي مسويه جو بالبيت والوحيده اللي تتكلم وتسولف !!!

صدقيني يمكن انحياز لاني كنت احب ابو زوجي واااااااااااااايد الله يرحمه بس احس ان الابوين ابو وام الزوج وخصوصا الابو كلامهم تلقائي وعلى السجيه يعني على النيه ويقولون الكلام بطيب نيه وتلقائيه خصوصا ان مابينكم مشاكل ونغزات وغيره

انا لما كنت ببيت اهلي دايما يسموني ام لسان لاني كله انكت واسولف ولما عرست صار البيت هاااااااااااااااااااااااااااااااادي بشكل ممل والكل قال لي افتقدناج وافتقدنا لسانج وصوتج

حبيبتي انتي اسألي نفسك لما تكونين في قعده الكل ساكت وكئيب وهادي تحبين تقعدين بهاي القعده ؟؟؟ اكيد لا بس لما تكون في قعده فيها شخص يسولف وسوالفه حلوه وتفتح النفس وينكت ويسوي جو اكيد الكل يبغي يقعد معاه

انتي شوفي نفسك اذا كنتي صوتك عالي لدرجه انه ينسمع لبرا قصري صوتك واذا كنتي تعايبين او تنتقدين او تستلمين الواحد وتتدخلين بكل شي غيري اسلوبك بس لو كنتي حبيبه وكلامك عسل ويشرح النفس وتحسين انهم يحبون سوالفك تمي على شخصيتك ترا كلام عمك مدح مب ذم فيج

و الله مدامك منتي غلطانه لا تغيري طبعك و اذا احد تكلم قولي انا كذا و ماسويت شي حرام
لا تخسري الشي الحلو فيك و في طباعك عشان الناس

اقول لاتهتز ثقتك بنفسك
راعية السوالف هي اللي محبوبة وتعطي جو بالمجلس
وأهل زوجك قالوا عنك هالكلام مو قصدهم يذمونك لاقصدهم انك تختلفين عن طبايعهم
صدقين لو تخلفتي عن مجالسهم انهم يفقدونك وكثير منهم ودهم يكونون مثلك لكن غصب عليهم مايقدرون يكونون جريئين

خليك على ماانت عليه لكن اذا كان صوتك عالي قصريه شوي

لالالالالالا خليك مثل ما انتي لاتتهتز ثقتك بنفسك ابدا لاني اكره ما عندي المجلس الهادئ كاني بعزاء بالعكس احب اللي مثلك يسولف ويحيي المجلس ،،، وتلقين الكل ينتظرك ويفقدونك اذا ما حضرتي ،،، ما شاء الله عليك