يقول بهينك واذلك عشان حملتي

السلام عليكم ورحمة الله وبركاته
ماجيت اشتكي لان الشكوى لله انما قلت افضفض وانفس عن الهم اللي في قلبي ويمكن احصل دعوة طيبه من احد فيكم تصادف وقت استجابة
انا يابنات متزوجة من 6 سنوات من رجل مطلق وعنده 4 عيال ..تحملته وتحملت اسلوبه وضربه واهاناته لي قدام اللي يسوى واللي مايسوى حتى مرة ضربني قدام الشغاله ..ومرة ضربني لين انعدم وجهي وتورمت عيوني وصار لو وجهي ازرق من الضرب ودخلت المستشفى ..بتقولون اش صبرك عليه بقولكم اني حملت من ثاني شهر زواج وانربطت وبعدها بسنه جبت بنتي وخلاص قلت اعيش لعيالي لان مالي اهل ينشد فيهم الظهر ابوي الله المستعان كأنه عدو لي مايحبني ولا يواطني وهو مطلق امي من زمان كنت اروح له بعض الاحيان لا صارت بيني وبين زوجي مشاكل ولكن للاسف لقيته يقويه ويوقف معه ويتكلم علي قدامه واذا جلست عنده انا وعيالي يقعد يضرب ولدي المريض اللي عنده توحد لان حركته كثيرة وشقي الله يصلحه ومرة تخيلو حذف عليه ميدالية المفاتيح مليانه مفاتيح وبكل قوته رماها بس ولدي هرب وماجات فيه ..لو جت فيه كان انجرح يمكن من ثقلها ..والله يابنات حتى مصاريف عيالي كانت امي فديتها ترسللي من الضمان حقها عشان مصاريفي انا وعيالي وابوي مجرد اذا جاء بيطلع يقول اذا تبين شي كلميني بس مايعطيني في يدي ولا ريال وزوجته متضايقة من وجودي انا وعيالي كل شوي تلمح بالكلام بعدها قلت خلاص لو ايش مايصير بيني انا وزوجي ماني رايحه لهم بصبر على بلاويه اهم شي انه يحب عياله وقايم فيهم وانا لي الله هو حسبي ونعم الوكيل
الحين حامل توي بالشهر الثاني ويوم عرف زوجي زعل وسوا سالفة يقول خربتي تخطيطي كنت ابيك تربين هالعيال ويكبرون وتنقلعين تروحين لاهلك وانا بتزوج وبجيب حرمه جديده في البيت الجديد اللي قاعد يبنيه قال انا خلاص ماعاد ابي عيال ليش تحملين قلت انا ابي عيال مالي احد لازوج يسندني ولا اهل عزوه مالي الا اخلف يمكن ربي يعوضني عن العذاب اللي شفته بحياتي قال انتي ماعندك كرامه ومهانه ومذلوله لو عندك كرامه ماتحملين من واحد مايبيك قلت له محد قالك تنام عندي نص الليل لو انك ماتبيني ماكان له داعي تجيني اخر شي تطور الكلام وجلس يقول انقلعي عند اهلك وجيبي 30 الف وخذي حضانة عيالك وانا بطلقك قلت ماعندي 30 الف وابوي ماراح يدفع لك لو تموت قال اجل اقعدي كذا اهينك واذلك لين تنجنين او تموتين من القهر قلت له تهينني ليش وش مسويه انا ماسويت لاعيب ولا حرام قال لانك انسانه بلا كرامه قاعدة عند واحد مايبيك وعشانك حملتي من واحد مايبيك ..حسبي الله ونعم الوكيل جلس يسبني ويلعن فيني وفي اهلي طلاق مايبي يطلق الا بفلوس ولا يبي يعاملني بالمعروف دامني في بيته حسبي الله ونعم الوكيل ...الله ينتقم منه وياخذ لي حقي ..الله ينتقم منه