اذا سليم راح يكبر وينحف

ياعمري عليه كسر خاطري والله
ان شاء الله يارب ينحف لى خير وتشوفيه هو واخوانه احسن الناس يارب
مابزيد على كلام الاخوات بس لاتهملي المكافات الماليه استغليها تمشي مع سنه
والدراجه اشتريله هو واخوانه خليه يلعب زيهم ما يحس انه مجبر او مختلف

والله يسهلك يارب

سبحان الله

اللهم امين الله يتقبل دعواتكم يارب

تسلمون حبايب قلبي ويارب يهنيكم بحياتكم ويبعد السمنه عن اطفالكم

الله يصلحه لك ويقر عينك فيه وينحف يارب من غير شر
أول شي راح اقول لك زي ماقالوا البنات قبلي اكشفي عليه من الى بما فيها الغدد عشان تطمئني
ثاني شي انا راح اكون صريحة معاك فاذا افدتك لا تنسيني من دعائك واذا جرحتك سامحيني>> ماهي ناقصة ذنوب
شوفي يا قلبي حابة انبهك لشي انك قلتيه"يقولي ماما انا وانتي بس ناكل سلطه لاننا سمان " معناته ممكن يكون وراثي ومع ذلك مااقصد من كلامي انك تستسلمي لا وألف لا ومااعتقد انك حتستلمي وانت مبين عليك انك أم مهتمة
حبيبتي دقيقي في نظام البيت الغذائي لكم كلكم حتلقيه عبارة عن نشويات *نشويات تليها سكريات
يعني يقوم البرئ الصباح هو اخوانه على ساندونش فطور بيت وفطور المدرسة ساندوتش والغداء رز والسناك معجنات او تشبس او شوكولاتات والعشاء مايخلو من النشويات في النهاية كل هذي النشويات والحلى تتحول بكل بساطة إلى سكريات
تعرفي مشكلتنا نحزن ونفكر دائما على الانسان البدين شكله يحزن على الرغم ان الشكل اقل شي المفترض نفكر فيه المشكلة صحته آلام الركبة والظهر ,عدم القدرة على الحركة ,وولدك كطفل قد تؤثر على نموه,الحرمان من اقل وابسط حقوقة طفل ........
^^^^^^^
تراني أم زيي زيك واعرف ان الكلام السابق اصابك في مقتل بس يشهد الله اني ماكتبته الا لاني ابغى احفزك وابغك تسعى ورا هدفك مهما كانت الظروف
نجي للحلول
١- شي توكلي على الله واطلبيه العون وادعي دعاء الام مستجاب
٢ـارجوك ارجوك لاتعقدي الولد ابدا لا تجبريه ولا تحرميه <<بعدين حأقول لك كيف
٣- تذكري انه طفل ووراه بلوغ ونمو ويحتاج لغذاء صحي ومتوازن حتى يساعده على النمو
٤ـاعيدي النظر تماما في نظامكم الغذاني للبيت ككل ولا تبيني لأطفالك أنك بتغيري طريقة أكلهم وإذا كان زوجك غير متعاون برضو هو لا تعطيه خبر
الاكل لكل افراد العائلة له وقت محدد مثلا فطور سناك غداء سناك سناك عشاء مو كل ما واحد جاع اكل
الماء خليه متواجد في كل ركن في البيت خليهم يشربوا مويه بقدر المستطاع<<الله يعينك غالبا الصغار ما يحبوا الماء
مثلا اذا كنتوا من النوع يللي لازم خبز او رز في كل وجبة حاولي انك تقطعيها مبدئيا عن وجبة وحدة
عبي البيت فواكه وخضار
٥-حفزيه واخوانه مو بس هو لانه راح يتعقد قولي يللي يمشي معاي في الحوش راح اعطيه مبلغ او اخليه يلعب او يشتري غرض(طبعا اكيد مو أكل) ولا تطولي مدة المشي راعي انه ممكن يتعب
بالاضافة الى أذا في مساحة في الحوش جيبي العاب بحيث انها ماتتعبه مثلا لاتجيبي كرة سلة لانه راح بنط ويا ثر على ركبه
٦-حاولي قدر ماتقدري تطبخي في البيت ونتبهي ايش تحطي في طبخك
٧-لاتقولي لاحد انك بتغيري وضع ولدك حتى اقرب الاقربين لك
٨-قيسي وزنة واسجلي كل شي عندك
٩- اعطيهم شوكولاته وجنك فود بشكل موزون لا افراط ولا تفريط
الله يكتب لك الصبر لانه مشوار يحتاج له جهد
ويارب يجي اليوم يللي تشوفيه دكتور في أحسن هيئة ويشكرك على كل شي سويتيه
قلبي معاك واي خدمة مستعده

انا راح اعطيك تجربتي بعد الولاده وزني صار 90 والحمدالله نزلته لين 55 بس الحين خبصت بالشتاء ورجع 63 


راح اقولك على نقاط اهتمي فيها
اولا لازم يشرب 8اكواب مويه باليوم علشان الدهون تتكسر وتنزل من الجسم 
كوبين اول مايصحي من النوم ضروري  وكوبين قبل ينام وباقي الاكواب وسط النهار
وخليه يشربها على دفعات

ثانيا ياقلبي مافيه افضل من السير بالبدايه يمشي خمس دقايق وكل فتره نزود الوقت الى ان يتعود  عليه 
وبعدها نلعب فيه حركه ذكيه 3 دقائق مشي خفيف و3 دقائق اخري جري ونرجع 3 دقائق مشي و3 دقائق جري 
لمده 20 دقيقه 
وافضل وقت للرياضه اول مايصحى من النوم 
وحاولي تفطريه بيض مسلوق بسلطه 
وتغديه دجاج مشوي بسلطه 
يعني حاولي تخففي النشويات رز ومعكرونه وخبز 
هذي اكبر عوامل للسمنه والكرش 

وصدقيني لو يمشي بالسير كل يوم عشرين دقيقه بنفس خطوات اللي كتبتها بدون رجيم 
راح تشوفي ان جسمه تغير 


وخليه ياكل اناناس وكيوي لانهم مفيدين بالتخسيس