يـــمـــه ..تكفين اسمعيني ...
يمـه بسألك شي ..جاوبيني ..
هو صحيح اللي مات داخل القبر يصير حي ...؟؟؟
يــمـــه ...أسمع أنــا صوتك ..كل يوم اسمعه ..
واذا حاكيتك هاوشوني ..
قالوا انسي ..روحي يالله العبي .... !!
يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..روحي نامي ..
أروح حتى ماتزعلي ..
يمــــــــــــه تكفين ارجعي ..
اليوم حطت لي المديره .. نجمه من فوق جبهتي ..
يمــه سمعتها تقول..
مسكينه هالبنت صارت يتيمه ..
قالت لها ابله منيره ..مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح
يمـــــــــــه مريولي توسخ ..ماكان قصدي اوسخه ...
بس تذكرت انك تقولي ..
بعد شهرين..بشتري لك لبس ثاني ..
يمـه تعالي اشتري ...
يمــــــــه عرفتـــــــي مها ..؟
صديقتي اللي معي .. زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا
يــمـــــــه يالله خلاص لاتمزحين يالله قومي
تعالي معي للبيت ارجعي
يمــــــــــــه يمممـــــــــــه
نسيت شي ..
بقولك ترى بيتنا صار فاضي ..ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...
يمممـــــــه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..
أو اقولك ..
خلاص ,,, خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..
يا قبر أعز إنسان غالي رقد فيك ...خفف عليه من التراب الثقيلي
يا قبر ماني طيب عقب راعيك... اللي رعاني صار عنـدك نزيلي
أغليك أنا يا قبر من حب راعيك... مرحوم يا راعي الوفا والجميلي
ياللي سكنت القبر صوتي يناديك... موتك جرح قلبي وهديت حيلي
ما أنساك والله لين قبري يوازيك... وأعلن من الدنيا العريضه رحيلي
وأموت كل ما حل طاريــــــك... كنـت أفتكـر عمـرك معانـا طويلي
يبكي عليك البيت من عرض أهاليك... لي دخلت البيت دمعي يسيلي
منقووووووول
الله يرحمها ويخلي لنا امهاتنا