يمكن حطمتها وانا ماادري يمكن ايقظت مشكلتها كيف اصلح الامر

السلام عليكم
خواتي فيه مشكلة قديمة لبنت اخوي تخص امهم وسبق هي استشارت الاخوات هنا عن وضع امها واخوها
ولد اخوي عمره الحين 21 سنة موب طبيعي تخيلو معقد نظرته للحياة تشائمية شعره يتساقط نزل وزنه حوالي 30 كيلو تارك للصلاة مايتكلم الا قليل نظراته وتصرفاته غريبة ومريبة اتهم اخوه الصغير اللي بسادس بالشذوذ وطاح بالدخان ويمكن طايح بالحشيش
يحق لي اخاف عليه ولالا ؟
هذا الولد له سنتين مقاطع والدته يقول ماربتنا وحنا صغار خلاص لاتدورنا بعد ماكبرنا حاقد ويبي يرد عليهم بنفس الاسلوب معقد نفسه مايبي ينسى الله يسنتر لايكون تارك للصلاة لانه يقول ليش اصلي وانا قاطع لوالدتي وضع جدا محزن
هو واخوانه ربتهم جدته لابوه من جميع النواحي خوالهم مالهم دخل فيهم ابدا


يااخوات الموضوع مؤلم جدا وقاسي باختصار جدا
كانت البنت تتسائل عن امها اللي تشوفها زيارة بس وكنت اقولها الناس عندهم ظروف وبيوم قصت امها عليها القصة وانها تركتهم بعد خلافها مع ابوهم وقالت لها بيحطكم بكبدي بيلعب علي
البنت تقول الحمدلله ماانجلطت وهي عادي تقولي هالكلام

هي ماعليها منهم وكل شي تقول مسئولية ابوكم ماعليها منهم ابد مرضو تعبو دراسة اي شي كانت البنت تقولها عنهم مرضو اي شي تقول ابوكم حتى يوم طاح الولد الكبير بالدخان قالت حسبي الله على ابوك
طيب ميخالف مسئولية ابوهم بس ماتجاملهم ولا تسايسهم هم يبون عاطفة مالقوها ماعندها استعداد تلين الله يهديها وتطلب منهم طلبات فوق طاقتهم
بعد ماشفت انحدار وضع الولد اشرت على البنت تتصل على احد اقاربهم ينصحون الام تقرب لولدها بعد مااستشرت مستشار اسري قال ناصحوها وذكروها
وفعلا اتصلت على خالتها المشكلة الخالة سمعت البنت كلام قاسي جدا انا انصدمت بكلامها
تقول ابوك بهذل اختي ومعنى كلامها يبون ورقة الطلاق وقالت للبنت تعرفين البعير وشلون ينتقم ؟ يعني بينت للبنت انهم ينتقمون
ومااهتمت لشكوى البنت عن اخوها قالت لها اخوك اذا يبي مصلحته بيجي لامه يبي الاجر
يجي يجي مايبي بكيفه يعني كانهم يذلون الولد طيب هو طايش وماعنده ذاك الدين الله المستعان مثله مثل كل الشباب يبي اهتمام ومراعاة ورفق

يعني قطعت اي طريق للاصلاح
وبينت للبنت ان الاب هو اللي يتحمل مسئولية العيال كاملة ىمثل ماصار لهم يعني بينت لها ان مالاخوها حق يزعل وانه المفروض يغفر ويتسامح والام يكفيها الحمل وهنا على وهن بس

البنت بتنهبل معقولة هالقسوة

البنت الان محطمة تقول بس كذا ؟؟ حنا مالنا قدر ولاقيمة معقولة تبين لنا اننا بطريق وامي من طريق وقالت خلاص يبون الورقة بنفذ لهم الطلب بس انا قلتها لا تقولين شي عن الورقة

وتقول ماعاد علي من احد ليه ارحمهم مارحموني انا ابطلع من البيت ابدور خطابة واطلع من البيت وضع اخوي خطر بالبيت

انا مشتته تماما