ينزل مني دم ما أدري أيش سببه ؟؟!!! ممكن تساعديني يادكتورة ؟؟

السلام عليكم ورحمة الله ..

اخواتي بصراحة احترت وين احط مشكلتي ولقيت انو هنا انسب مكان لأنو الدكتورة دايما متواجدة هنا واشوف لها مواضيع وايضا لكثرة وجود العضوات الخبيرات فأتمنى منكم مساعدتي ..

أنا يا اخواتي متزوجة من ستة شهور و من بعد ماتزوجت لاحظت انو ينزل عليا دم ما أدري أيش سببه ولا أدري هوا دم دورة ولا أيش بالضبط ؟؟

يعني مثلا الآن توني مخلصة الدورة من اسبوعين وإلا ينزل عليا دم غامق يميل للبني و كأنه زي وسخ الدورة وانتو بكرامة وما أدري أيش سببه ؟؟!!!
وما أدري اصلي ولا لأ ؟؟(لأنه ممكن يطول يومين أو ثلاثة أو أكثر واحيانا ينزل كثير واحيانا شوية مرة)
واذا زوجي طلبني ماأرضى أخاف أنه يكون حرام ولا يصيرلي شي لاسمح الله ؟؟

من جد احتررررررررت وماني دارية أيش سببه ؟؟!!!!!!!!!!

هتقولولي ياحلوة روحي الدكتورة هقلكم الآن ما أقدر لأنو أنا الآن في كندا ليا اسبوعين وهقعد فيها ثلاث سنوات تقريبا بإذن الله أو أكثر وطبعا ما أعرف مستشفيات عدلة ولا دكاترة فأبغى احد يساعدني و أعرف وضعي عبال ما أروح المستشفى ..

أسفة على الإطالة .. و بانتظار مشاركاتكم و إلي ماعندها خلفية عن موضوعي يكفيني انها ترفعلي الموضوع والله يجزاكم خييييييييييييييييييييير ..