يومياااتي مع جدولي.. لا للكسل ..نعم للتغير >> تبييض الجسم + تكثيف الشعر

انا وأعوذ بالله من كلمة أنا
حامت تسبدي من البقع اللي بجسمي :09:
كل مكان لون :44: أستغفر الله بسسس واللهم لاإعتراض
وشعري جف من كثر ماني مهملته لا زيوت ولا شي
وقررت بعد حومة التسبد اني الف شوي لنفسي بما انو اليوم اخر يوم في الاختبارات عندي
وعندي اجازه الى بعد العيد
وحاليا ماعندي لا مناسبه ولا شي >>> يمكن انعزم ع عرس :hahaha:
فقررت اني اسوي لي جدول وامشي عليه بإذن واحد أحد فرد صمد
كنت من قبل انسانه اهتم بجسمي وماشاء الله تبارك الله جسمي كان روووعه وكل شي طبيعي ماكنت استخدم لا كريمات ولا تقشير ولاشي
اساسآ به شغلااات كثيره تخص الجسم من صنفره وتقشير ومدري وش والله اني مااعرفها
اساسا ماكنت اعرف انو به شي اسمو تقشير جسم ولا تفتيح :04:

لانو ماكنت احتاج استخدم اي شي لا اله الا الله
بس الاهمال وماادراكن ماالاهمال >>يخرب بيتو:mad:
كان إهتمامي بس بشعري وملابسي وترتيب شكلي
كنت اتابع الموضه في الصبغات والملابس وقصات الشعر والعطورات وبسسس
غير كذا والله اني من جنبها ولا ادري وشو
وحتى الميك اب والله اني مااعرف به شي غير الكحل والماسكرا والقلوز
وان كثرت وشديت حيلي مرره مرره حطيت شدو من غير لون بس بلمعه فوق الجفن >> يعنني بنت كيوت

المهم
انا انسانه اهملت نفسي وبقووووه ولا لي في النياااق ناقه >> الله يذكرتس بالخير ياجدتي حكمتها الشهيره هع

انشغلت كثير بالدراسه وحاليا ادرس بكالوريوس بزنز وادرس في معهد لغه ومعهد حاسب >> زحمتن بالحيل :44:
وماعندي وقت لأي شي
والجامعه كل يوم هـ الشمس دوهجت بمخي وببشرتي >>ربي لك الحمد والشكر بس
رحت لدكتورة جلديه واشكي لها الحال (( انا يادكتوره اروح الجامعه كل يوم وهـ الشمس صارت تمقز بجسمي اليا صار جسمي مبقع كل بقعه لون .. تكفين يادكتوره .. داخلتن على اللي ثم عليتس .. ابي حل وتسان ابتسي ))
وتسان تعطيني هاذيتس الخلطه اللي استخدمتها لمدة شهرين >> بس ماأستفدت منها مرره
الا شي بسيط
تقريبا سعر الكريم 180 ريال
واخذتوه منها تقريبا 3 مرات
بس خرررطي والله جفف بشرتي

هو صحيح فتح هـ الاسمرار اللي من الشمس بس ماناسبن

عاااد انا ماغير ادوهج في هـ المنتديات
وخاصه هـ المنتدى وتسان تطيح عيني على هاذيتس الخلطه اللي تفتح النفس الله يجزا صاحبتها بالخير
استخدمتها وحده من صديقاتي وبانت النتيجه معها وحمستن اني اسويها

رحت اخذت المقاضي حقتها وخلطتها بس ماراح ابدا فيها اليوم
راح ابتدي من يوم السبت عشان انا مسويه لي جدول حق عنايه لجسمي وشعري >> خلااص استحيت على وجهي ابي اغير من هـ الغبره اللي تراكمت 3 سنوات

المهم
هذا الرابط اللي انا اخذت منوه الخلطه
http://forum.hawaaworld.com/showthread.php?t=2824943

+ كريم شريته وتوهقت به اللي هو كريم كابور 7
بجربه وبشووف بعد نتيجته على الركب والاكواع

نجي الحين حق الشعر :
به زيت يالبى قليبه والله هـ الزيت عجيييييب وجونااان ولا هوب غريب عليكن
زيت عافيه + حلبه
انا مستخدمته ونفعن مررره لبى هو
وزيت النارجيل >> ياهو جونااان هـ الزيت وربي رووعه قليله بحقه
و بالجدول انا حاطه زيوت هنديه بعد بأستخدمها بإذن الله على فترات طبعآ

نجي الحين حق الوجه >> لبى وجهي المسكين اللي ماخفت فيه الله :44:
بستخدم صنفرة بالمشمش + حليب نيدو مخلوط بموية الورد + تونيك للبشره وهاذي صورته

نفسو اللي بالخياار استخدموه مع الحليب حقه رووووعه رووووعه رووووعه
يخلي البشره نظيفه وناااااااااااااعمه
والله وانا امسحه بوجهي القطنه تقلب سودا >> هماه من الغبار اللي من 3 سنوات
وربي اخلص نص كيسة القطن
حتى ابوي سويت له ولـ خالي بعد انبسطووو مره >> ملاقيف وش اسووي ;)
طبعا كل شي له وقت
الصنفره بيوم
والماسك بيوم
والتونيك هذا بيوم
>> اهم شي الوجه :35:

واممممممممممممممم بعد وش بقى >> مابقى شي بس هذا حاليا والباقي بسويهن لما اخلص من هـ الكورس خخخ
ايه
انا حبيت اسدح اللي انا بسويه من يوم السبت ان شاءالله واللي حابه ترافقن حياااها الرحمن