يوميات ياحبيلكم والخلطات خخخخخ

السلام عليكم ياملكات الجمال بما اننا بقسم البشره والاهتمام


خل اكون صريحه معكن ...قبل مادخل هالقسم وانا احس اني مملوحه,وكلي قبله وكل يوم اغسل وجهي بصابونه وراضيه و ان طلعت حبه فعصته وانتهينا
...وان شعري زين وفيسي ماعليه خلاف...وجسمي مانتبه له ساهجته ماعطيه وجه...ولامني تعصرت وقلت بهتم سويت سنفره لجسمي واجلس شهر مبسسسسسسسسسسوطه اني سويت سنفره,,,ووجهي لامني حطيت موية ورد يوم يييييييييييييييييوه احس اني مدللته بزود,,ولا شعري لازيته احكي على هالسالفه شهر
ومن دخلت هالقسم حسيت اني مهمللللللللللللللله بنفسي واني منب أنثى واني شينه
واني سمرا واني حوسه وكل شوي يطلع بي عذر...لاشفت وحده كاتبه لي كرش طالعت قلت يؤ وانا بعد,لاكتبت وحده
بوجهي حبوب طالعت لقيت حبه ناطه قلت يؤ وانا بعد,لاصرخت وحده وقالت الحقوني ولحقتها قالت شعري صار يطيح
قلت يؤيؤيؤ وانا بعد:angry:


باختصااااااااااااااااااااااااااااااااااااااااااااااااار كل يوم احس اني بدال ماحس اني زينه لما اتابع خلطاتكم واحاول اقلدكم
اكتشف ان بي عذروب


المهم


الحلقة الاولى قلت خلاص ببدا اهتم,وبديت اشوف هالخلطات لحد ماصكني راسي وصارت تطلع الشمس وتغيب وتطلع وتغيب
وانا هنا احووووووووووووس وكل ماقريت موضوع ودخل نافوخي ردت وحده قالت انتببببببببببببببببهن وطلعته من نافوخي
لحد ماصار نافوخي كله خروق


الحلقة الثانيه عزمت وجزمت وسويت خلطه وطلعت سالفه وحووووووووووووسه ومغير يلصق بي كل شي
تقل غرا ويومين وخلاص قرفت وقلت بلا خلطات بلا هم


الحلقةا لثالثه
لقيت خلطات سهله قلت هوني يابنت الحلال وابدي بالسهل وبديت بالسهل
وهذي تصفي وهذي تخلي الوجه يبورق وهي تنعم الجسم....وقمت بتفلسف صرت خبره من كثر مابقبقت بالمواضيع

وش صااااااااااااااااااااااااااااااااااار تهقون وش صااااااااااااااااااااااااااااااااااااار:icon28:

صرت أألف واحط خلطه سنبوسه واضيف خلطة بسبوسه ووقسمت جسمي كل شي له خلطه عشان اشوف
وش ازين :o

ويوم اسوي وعشره لااااااا

الا واطالع بجسم الا فيه بقع لحالها وش زينها ومنوره وبقع مصفره وبقع محمره وش ذاااااااااااااااا:icon33:

واتذكر ياربي وش حاطه بهالبقعه الي منوره وناااااااااااااااااااااااااااااااااااااااسيه


:09:


الحلقة الالف

الخلطات الي طلعت تلصق قلت خلاص حرام اكبها بخليها الله يكرمكم بدورة المياه يعني شي سريع
وادخل اليوم وبعدوا عني:icon28:

سويت سنفرة طبعا من اختراعي وجبت هلخلطه وماخلصت الا وانا ماشوف الباب من الدوخه لاني ماكلت شي :icon32:
واطلع اركض واطيح على سريري والدنيا تدور ويالله اشوف تقل داخله حرب

والنتيجه فتاااااااااااااااااااااااااااكه صرت اسمر من لوني ياحظي الزين بس:icon810:


المضحك المبكي من كثر ماهوجس شفت حلم اني رحت اسوي خلطه لسلوى واقول يوه ماسوت لي
شي الا تطلع الخلطه اسمها سلوى مهب الي مسويتها سلوى واني قد جربتها ولا جابت فايده



الحلقة الاخيره


يابنات ياحلوات يازينات حسيت ان الرضا يحليك اكثر وان الضحكه والنفس الحلوه مع شوي اهتمام مو هوس
يخليك ماتشوفين عيوبك

وان الخلطات شي ينفع لك وشي ماينفع لك ,وان بعض البنات يبالغون ,وان النتايج تحتاج وقت مو على طول ,وان الي يزين غيرك ممكن يشينك,,,, وان فيه شي خطير
وشي صحي....

وان العافيه مايساويها ولا يعادلها شي...عشان كذا قبل استخيري بكل خلطه

والي كتبته وواقع مهب سوالف وبس,,,ومانكر على اي بنت تبي الزين كلنا نبيه وكل الي قصدته
قليل متصل غير من كثير منقطع
وان كل ماقربتي المجهر اكثر مراح تنتهي عيوبك...ولما تأملت بالي حولي هذا فيهم عيوب بس عمري مانتبهت
لاني احبهم وحبهم مغطي...ولما أسالهم وش عيوبكم الجسديه ويقولون اقول حرام عليكم ماشوفها انا
لاتبالغوووون

ولما أقول عيوبي يقولون احمدي ربك,,,


وصدقوني كل مانهوستوا بالجمال اكثر كل ماقل تقديرك لذاتك وجمالك وتحسين انه لسى باقي باقي باقي
والقيمه الحقيقة بالعطاء وتقديرك لذاتك واحساسك بالجمال الي فيك

عاد لاتقولون خلاص عقب هلموضوع ضفي وجهك

بجي اسير كل وقت والثاني

بس شي عشته :7_2_103v:وبغثكم فيه

وخلص الفلم


تصبحون على خير