18 شوال و ميلاد جديد .. قصتي

السلام عليكم ورحمة الله وبركاته

الحمدالله انا ولدت يوم السبت الماضي 18 شوال الساعه 8 وربع الصبح والحمدالله ربي سهلها علي وماطولت

القصه ومافيها << ماعندها مقدمات :42:

انا كان لي اسبوع امشي كل يوم نص ساعه او ساعه ويوم الخميس كنت عند اهلي بس ماحس باي اعراض ولاده

وكنت اقول لاختي شكلي معوشره

هالمره ويوم الجمعه اتفقت مع زوجي نروح البحرين نغير جو ورحنا البحرين بعد صلاة الجمعه تمشينا هناك طول اليوم

وكثرت مشي بالمجمعات وهلكت نفسي هلك ورجعت من البحرين الساعه 12تعبانه مره

وطلبني بو الشباب وعطيته حقه << هي خاربه خاربه :icon28:

بس لما رحت اغسل حسيت بافرازات خفيفه تنزل مني ماشكيت انها موية الجنين قلت اكيد هذي من اثار الجماع :35:

الساعه 1 نمت بعدها بساعتين يعني الساعه 3 حسيت بشي يصب بين فخوذي قمت متخرعه وشو هذا معقوله

انفتحت المويه :o

صحيت زوجي وقلت له مدي وش هاللي يطلع مني قال يمكن ولاده قلت بقوم اروح الحمام اشوف وانا قايمه من

السرير صبت المويه زي الحنفيه على الارض :o

انا هنا قلت خلاص ولاده يالله المستشفى قمت وجهزت اغراضي وتروشت وسويت لي قرفه بسرعه وشربتها

واخذت بنتي ونومتها عند الشغاله وقلت لها اذا صار الصبح انزلي فيها تحت عند اهل زوجي لانه الحين الفجر ومابي

اصحي احد وتوكلت على ربي وطلعت من البيت وصلت المستشفى الساعه 4 وربع الفجر دخلت الطوارئ وانا داخله

بديت احس بطلق خفيف وحسيت انه المساله صارت جد :icon33:

ركبو على التخطيط وطلع فيني طلق بس بارد وجلست هنا اقرا سورة البقره والمعوذات واستغفر كثير

لحد الساعه 5 تقريبا بعدين صار يحمي يجيني منتظم كل ربع ساعه

وجت الدكتوره كشفت علي لقت الرحم مفتوح 7 سم وقالت يالله على غرفة الولاده ومن الساعه 6 الى الساعه 8

صار الطلق حامي مره تقريبا كل دقيقتين والله بغيت اموت بس احاول اني ماصرخ كل ماتجيني الطلق اكتم واستغفر

والله يابنات الاستغفار له مفعول عجيب وقت الطلق والله انه عطاني قوه بالدفع ماتوقعتها

الساعه 8 قالت الدكتوره خلاص طلع الراس يالله ادفعي وجلست ادفع اكثرمن اول واستغفر بقلبي وقت الدفع :icon33:

الساعه 8 وربع بالضبط طلع احلى نواف بالدنيا وجلست اشكر ربي واحمده لانه سهلها علي وماطولت كثير ..

يابنات نصيحه كثرو الاستغفار وقراءة القران والدعاء والله انهم زي السحر يخففون الالم وقت الطلق ويعطونك قوه باذن الله ..

وهالله هالله بالمشي والجماع ترى هي اللي تقرب الولاده :icon28:

هذي قصتي كلها والله يهون على كل حامل وتقوم بالسلامه وتفرحون بشوفة عيالكم :)