24 ساعة مقابلة الطوفة

السلام عليكم ورحمة الله وبركاته
بدخل بالموضوع على طول ................
أنا متزوجة وعندي أطفال وزوجي أهم شئ عنده شغله وأصدقاءهوبس وعيالي أشقياء جداااااااااااااااااااا وأنا ما عندي صديقات ولست موظفة ومو على طول أقعد على الكمبيوتر
بس أهم شئ زوجي اشحلاته حق الناس وحقي أنا الله لا يوريكم وبحكم عمله فأغلبه مع النساء ولدرجة إن بعضهن يبعثن له مسجات في كل مناسبة ووحدة سلمت عليه بالجمعية بدون حياء وهو مستانس وهذاك اليومى حدث خلاف بيني وبينه فبعث لي مسج من وحدة بعثتها له وقال شوفي الفرق اللي بينك وبينها شوفي اشكاتبه لي وأنا يعلم الله إني آخذ مسجات من المنتدى وأبعث له وهو ولا عمره قال لي كلمه حلوة
والله ما أدري شأقول لكن بس ودي أفضفض
على طول قاعدة بروحي ما أطلع ولا أجي ولا أحد يكلمني ولا أشوف ناس كل وقتي حق بيتي وعيالي ولا مقصرة وما ألقى خير كله يرد علي شر من عيالي وزوجي ودي أتطلق من زوجي ما أبيه دائما يطقني ويخانقني ويطردني من البيت أنا وعيالي ويقولي بتزوج عليك وأطلقك وأنا ما ودي أنطر لحد ما يطلقني ما راعى العشرة اللي بينا ولا العيال والله إني أكره كره العمى
صدقوني إني ما قصرت معاه وشايله كل مسؤليات البيت والعيال ومخليته على راحته لكنه مو كفو يبي يجيب له وحدة ويطردني من البيت أنا وعيالي الله لا يسعده معاها