(1)
صابون الغــــار (الرقي) الطبيعي وأشدد على كلمة الاصلي لأنه الافضل
و مو متوفر الا عندي طبعا صابون الرقي موجود بكل مكان وسعره رخيص لكنه تجاري واللي عندي أستورده من المصانع الرئيسيه بحلب وتيي الحبه كبر كفة اليد ومجيسه ومكتوب عليها مصنعه خصيصا للسوق الاوروبيه يعني مو أي كلام وأسمها (الاميره)
ورغوته كثيفه تبارك الرحمن مثل رغوة الشامبو..بس عموما صابون الرقي ممكن يسبب جفاف بسيط لبعض أنواع الشعر
لكن لاتحاتون مافي جفاف مع اتباع باقي الخطوات
وأكيد أول شي أغسل شعري بصابون الرقي وأحرص على عمل رغوة وفيره لأزالة الدهن وبنفس الوقت أسمح حق فروة راسي تتشرب زيوت الصابونه لأنه معروف عن صابون الغار صابون طبيعي 100% ومقوي للفروة ومانع للتساقط
وطبعا ما أزيل أثار الدهن كلها بصابون الرقي أخلي شوي عشان أستخدم الشامبو
(2)
شامبو خلاصة الثوم الايراني الأصلي المعروف في تغذية وتكثيف الشعر
وطبعا ثلاث شامبوهات أثق تماما بفايدتها واللي اهي
((شامبو ميتال-شامبو الثوم الايراني الاصلي-شامبو الحصان))
لكني اخترت حق مجموعتي فايدة الثوم لأن فوائده معروفه ومضمونه
وطبعا مهما يكون الشامبو ثقه هم مايمنع وشي أساسي ولازم أخففه بالماي عشان أتجنب الاضرار الجانبيه للمواد اللي فيه وظهور القشره
وطبعا أستخدمه لغسيل شعري بعد صابون الرقي مباشره مره وحده وهم احرص اني اخليه شويه على شعري عشان اخذ فايدتة
وعقب أغسله بالماي الدافي عدل واغلغل الماي بين شعري عشان ما أترك أثر للشامبو على الفروة..
(3)
حمام زيت فاشكول بالثوم ياعيني عليه
وطبعا كل اللي أسويه وأنصح كل وحده شعرها يتساقط بهالطريقه لاستخدام كريم الحمام
وأهو أخذ كميه بسيطه لكن كافيه على حسب كثافة الشعر وطوله واول شي أدهن الكريم على أطراف الشعر وعقب أمسح على مقدمه راسي وشعري..بدون تركيز على الفروه والمه وانطر بو دقتقتين ثلاث وساعات اسبح جسمي واخلص وعقب اغسل الكريم وطبعا يغسل بالماي فقط .. الكريم ما استخدمه أكثرمن مرتين بالاسبوع وطبعا تقدرون 3 مرات على حسب حاجة الشعر لكن بطريقتي بعيدا عن الفروة والبصيلات
والنتيجه شعر ناعم رطب صحي كله حيويه طويــــــــل وكثيف..
وشكرا :39::27:
برنسيه @brnsyh
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
:26::26::26:
اللهم عليكـ توكلت فارزقني واكفني
ونجني مما يؤذيني أنت حسبي
ونعم الوكيل اللهم أرضني بقضائكـ
وقنعني بعطائكـ واجعلني من أوليائكـ