BPA الماده السامه لي اطفالك توجد في الرضاعات الحقوووووو

انا بكريه و في غربه و غشيمه شوي قلت خلني اتعلم
المستشفى الي راح اولد فيه مسوين كلاسات لس الام و الطفل و الاب الجدد .. في كلاسات حق الولاده و كلاسات حق تحميم الطفل و كلاسات حق ترضيع الطفل و كلاسات ايش تسوين اذا صار في طفل شي لا سمح الله اختنق او وقف في حلقه شي .. يعني تقريبا كلاسات حق حق كل شي ..
المهم .. انا اخذت كورس الرضاعه الطبيعيه .. لاني طبعا ناويه ارضع طبيعي .. و جلسوا يتلكوا معنا و يعلمونا كيف نشفط و كيف نخزن الحليب و كيف نرضع طفل و الخ الخ
المهم تكلموا عن ماده BPA
هذي ماده موجوده في بلاستك .. و طلع انه هذي ماده تسبب امراض يا كافي الشر منها .. بس اكتبوا في نت BPA sild effcts و اقروا الامراض يا كافي ..
و طبعا هي تأثر على كبار و صغار بس الصغار اكثر لانه لسه جهاز المناعه المولود الحديث مو قويه ..
المهم انه لما تحطون حليب او اكل او شي في الرضاعه .. الماده دي تتسرب تدريجيا .. يعني كل ما شرب البيبي منها كل ما دخلت الماده في جسمه ..
المهم عطتنا النرس اوراق كثيره عشان نتثقف .. و قالت لنا قبل كم سنه اول ما اكتشفوا الموضوع صاروا ينصحون الناس برضعات الزجاج .. بس شي طبيعي ما حد يحب يستعمل الزجاج بذات مع طفل .. ثقيله و تتكسر ..

من سنه 2009 اخترعوا الرضاعاات BPA Free
و الحين شركات كثييييييييره تصنعها منها ايفنت بلايتكس و غيرها ..

يعني نصيحه لما تشتروا رضاعات بلاستك او شي بلاستك بذات لي طفلك تأكدوا انها BPA Free كذا يعني انه البلاستك المصنوع مافيه هذي الماده ..


المشوع لي افاده ... :)