اليوم جايبه لكم حلى قهوه رولات الجبن بطريقه جديده وبتقديم خطيررررررررر... وان شاء الله ما يكون مكرر..
طبعا هالحلى دايم نسويه برمضان وبغير رمضان ميزته في سهولته ولانه مكس يعني مزيج بين الحالي والمالح في وقت وااااااااحد..
هالطريقه تعتمد عالعرض..يعني يبغى لك صحن راقي وشريطه ذهبيه راقيه علشان يصير منظر الحلى راقي بعد...بس انا للاسف ما كان عندي شريطه ذهبيه وأستبدلتها بشريطه بيضاء ملونه بالاحمر..
ماشاء الله ..الله أكبر..
109480
109482
109484
يالله تفضلوا المقادير....
سمبوسة سويتز او أي نوع انتي تفضلينه..
من3الى4 علب جبن كيري المربعات الحجم الكبير ..او كيري الجره..
3ملاعق طحين+ماء الكميه الي تشوفينها مناسبه للصق الاطراف ..
شيره(قطر)
الصلصه الخارجيه..(الزينه)
1ونصف حليب نستله الحجم الكبير (المحلى)
10او اكثر مربعات جبن كيري ..
فستق مقطع شرايح..
صلصة الشوكلاته السايله(هيرشي)
كريمه شانتيه..او ممكن تستبدلينها بكريمة دريم ويب..للزينه..
واخيرا الطريقه....
-نقطع ورق السمبوسه بالعرض ونحشيها بالجبن,,بعدين نلفها بشكل اسطواني او مثل الرولات ونلصقها بخليط الطحين والماء..علشان ما تنفك وحنا نقلي..
-بعد ما نلف كميه كبيره نقليها بالزيت..
- نجيب قالب صغيرررررررررر الي ينفتح من الاطراف ونحط في قاعها كميه من الشيره بعدين نصف عليها الرولات بشكل طولي..
-بعد ما نخلص من رص الرولات جنب بعض نصب كميه ثانيه من الشيره عالوجه..
-نغطيها بورق بلاستيك وندخلها الثلاجه من ساعه الى ساعتين علشان تتماسك..
-نخلط الكيري مع النستله ..ونسكبه على الروت وندخلها الثلاجه مره ثانيه من نصف ساعه الى اكثر...
-الحين يجي وقت التقديم..
تطلعينها من الثلاجه وتحطينها على صحن التقديم الافضل يكون لونه ابيض علشان تبان فيه الالوان...
-تفتحين القالب وتحاولين تخططين على الرولات بالشوكلاته السايله...وتنثرين عليه الفستق ..
-واربطي الرولات بشريطه ...
وحطي على الرولات من الوسط كريمه ..
ويالله قدميه واكشخي فيه.. وكل وحده تأخذ روله تغمسه بالكريمه...
والف صحه وعافيه على قلوبكم...
يالله انتظر ردودكم الي توسع الصدر...