rnood1.تجيب عن اسألتها تفضلي بالدخول ..

مراحب واعتذر عن التأخير لكن الضيوف وألم الخياطة اللي باقي للحين ما خلاني اجلس على النت فترة طويلة سبب التأخير .. سبق ونزلت موضوع وضعت فيه اسئلة ووعدتكم بالأجابة طبعا ما أعرف انزل الرابط بس بأنسخ الأسئلة وهي
1- ماهي الأسباب التي جعلت جنس مولودي ذكر بعد اذن الله وانا عندي بنات من قبل ؟
2- هل عجز السونار عن تحديد عمر الجنين وكيف تم اكتشاف العمر الحقيقي له لأن الحمل كان على اللولب ؟
3- تجربتي مع الأشعة الرباعية وهل فعلا حددت جنس الجنين بنسبة 100%
4- الفرق بين وحم البنات والولد ؟
5-تجربتي مع ابرة الظهر اللي يسمونها بدون الم واللي زادت ألم الولادة ألمين ؟
5- تجربتي مع المشد الأندنوسي ؟
6- تجربتي مع نظام فيافي ؟
سأبدا بالأجابة على السؤال الثاني : كما هو واضح من السؤال تم الحمل على اللولب ولم تستطع ثلاث مستشفيات خاصة و مستوصفين حكومية تحديد العمر الحقيقي للحمل كانوا يعطوني العمر اصغر بشهر عشان انا وكل من حولي انتبهنا لكبربطني وفي الشهر الثامن على حساب السونار والتاسع حسب اعتقادي نزل بطني نزول واضح وكبر بشكل ملفت اكتشفنا العمر الحقيقي بعد الولادة من شكل المويات ومن طول اظافر البيبي وقال الدكتور اني مطوفة تقريبا بأسبوعين ..
السؤال الثالث : تجربة الأشعة الرباعية رائعة تبقى ذكرى لك وللبيبي الصور بعدين .. وفعلاحددت جنس الجنين بشكل واضح ..
السؤال الرابع وحم البنات قرررررررررررف من كل شي واستفراغ رهيب .. الولد خفيف بس ذبحني في الولد بالأكتئاب ..
السؤال الخامس جبت قماش لشغالتي وعلمتلي على اماكن التخييط ووديته للخياط وخاطة ولبسته من خامس يوم لأن ظهري كان تعبان وكمان خفت تنزل البواسير علي لكن بصراحة رووووعة تحسي انه يشد عظام الحوض والبطن صح والحين اذاشلته للأستحمام احس بطني داخل ..
السؤال السادس ابرة الظهر آآآآآآآآآآآآآآآآآآه من ابرة الظهر طبعا رحت المستشفى وانا وااثقة اني ما بأحس بألم ويمكن هذا اللي خلاني اتألم زيادة لأن اذا الواحد متهيء نفسيا يخف شوي .. سألت من قبل الولادة بشهر من بيعطيني قالوا استشاري ممتاز ولحد لحظة الولادة اسأل من بيعطيني قالت السستر دكتور كبير ولسوء الحظ دخلت معي وحدة ولدت قيصري واحتاجوا الدكتور معها وانا اعطوني اخصائية تخدير ومن يوم دخلت ما ارتحت لها واول حاجة طلبتها ان زوجي يخرج من الغرفة خفت بس قلت لازم ينفذ كانت تبغى تشرح لي عن هالأبرة فقلت لها خلاص ثقفت نفسي كثير عنها من النت وبدأت عملها ما قالت انسدحي عطتني وانا جالسة وراسي مرخي على بطني حوالي 20دقيقة تعبت تعببببب الله لا يوريكم لأنه يجيني طلق وما اقدر اتحرك خفت من الشلل وحسيتها تحطها جنب العمود مو في الوسط واسمعها هي والسستر يختلفا بس للأسف يتكلموا انقلش واختكم مو فاههههههههمة شي اتمنيت يكون عندي لغة مهما تكلف ذاك الوقت لكن هيهات .. وبعدين قالت خلاص حطيناها وراحت قالت لما يقرب موعد الولادة ارجع اعطيك جرعة ثانية واستنى يخف الألم وما فيه تغير طلبتها على التلفون قالت انا ما كثرت البنج عشان البيبي ما ينام لكن لما تقرب الولادة ازودها لك ما تحسي بشي قلت يالله واقتربت الولادة وزاد الألم واناديها وفي اللحظة الحاسمة دخلت بكل برود لتقول لي الأبرة فششششششششششلت حتى دكتورتي ما كانت مستعدة بالأكسجين ولا بشي عبالها ولادة بدون الم زي ما قالت .. آه كل ما اتذكر الله يكتب الأجر بس انا قلت يمكن فيها خيرة ان مادة هالأبرة ما تدخل عمودي الفقري لأني قبل ما اولد استخرت ثلاث مرات بخصوص الأبرة والحمدلله على كل حال .. نسيت اقلكم انه بعد ما خرجت للبيت جات امي تشوف ظهري من الألم لقت انها منقلة الأبرة ثلاث مرات في ظهري ..
بالنسبة لنظام فيافي مشيت العشرين الأولى صح لكن ابعد كذا لخبطت لأن سفوف العشرين الثاني عليه فلفل وانا عندي بواسير ما تحملته وبالنسبة للتحاميل ما قدرت احطها مع الخيوط لأنها للحين ما نزلت .. بالنسبه للبخور هيج علي الجيوب الأنفية وجاني صداع شديد حوالي اسبوع ما راح الا بالأبر المهدئة والقهوة مازلت عليها لليوم للي لا حظته ان بهالأيام ينزل مني هواء رغم اني قبل الحمدلله ما اعاني من التهابات ولا هواء الا في اوضاع معينه واسمحوني على هالكلمة ..
نجي لتحديد جنس المولود ما هو السبب ؟ والله ياحبايبي سبب بسيط جدا ولكنه عظيم الأستغفارررررررررر والدعهاء كنت دائما استغفر بنية ان الله يرزقني الولد الصالح وادعي في اوقات الأجابة ان يكون ذلك عاجلا غير آجل وفعلا تم الحمل رغم وجود اللولب " عاجلا غير آجل " فتذكري ان الأستغفار جالب للمال والرزق والولد والمطر كما ذكر في القرآن ..
وآسفة للأطالة بس حبيت افيدكم والله يعجل لكل وحدة تبغى ولد بالولد الصالح ولكل وحدة تبغى حمل بالحمل ولكل وحدة حامل الله ييسرلها ولادتها ويرزقها الطفل المعافا لا تحرموني دعواتكم عن ظهر الغيب واي سؤال انا حاضرة