room tour افكار ومقاطع لغرف النوم =)

السلام عليكم ورحمه الله وبركاته
مـساء \ صباح الخير ...
كيفكم مع قرب الدراسه والدوامات
شي مأساوي


غرفة النوم
هي مكان الراحة والاسترخاء واستعادة الحيوية والنشاط ، ولذا يجب أن تتسم بالجو المريح و الحميم، وأن تولي تصميمها وتنسيقها اهتماماً خاصاً, وبقليل من الترتيب والاهتمام تجعلين غرفة نومك عشا نابضا بالحب والدفىء
المهم
الموضوع هذا لكل وحده ملت من غرفتها او
ماعرفت ترتبها تعيد تشكيلها وتجديدها
خصوصا للي شبه ساكنه في غرفتها
مثلي
ومن وقت لوقت احب اغيرها واعيد ترتيبها
مو لازم تغير الاثاث افكار بسيطه تغير جو الغرفه كلها

مثلا(كنت مااعرف انام ابدا وشش سوييت جلدت الدريشه بلون هادي جدا ومريح للعيون صرت انوم على طول)
المهم

راح اعرض لكم افكار ومقاطع من الممكن تاخذين منها افكار لتزين الغرفه لتجديدها
المهم

room tour ?
جوله في غرف البعض (غرف بنات)
ولكل مقطع لها تعليق
وان شاء الله hعرض لكم غرفتي في موضوع اخر

غرفه ميته وكئيبه وش تحتاج
تغير اثاث ؟؟
مزيد من الالوان ؟

شويه تفاصيل وتصبح الغرفه عالمي المفضل

الي فيه موسيقى اكتميه ^_^

المقطع الاول


الصور الي على الجدار مزينه الغرفه مرره والي مبروزتها
عندك صور لك لصديقاتك اهلك اقاربك حبايبك
ومغبره في الدروج
قصصيها ولزقيها فوق بعض وبروزيها او على الجدار حلوه مره
واالوان البويه تعطي شكلللل خاصه الي جدار واحد ملون

المقطع الثاني


عذرا اختي يوضع رابط اليوتيوب الخاص فقط بالموضوع مخالف يوجد صور نساء

دمج لون الزهري والفوشي مع الاسود رهييييييييييب وحركه الفراشات فوق السرير شييييي
تجيبين دفتر الوان وتاخذين اي لون عجبك فضي مثلا وقصصي على شكل فراشات
وفكره انها حاطه مخدات في زوايه معطيه لنفسها جوووو حلو مرره وخاصه للغرف الكبيره

والمخدات الي على سريرها حلوه فيه اشكال تجنن ورخيصه مثلا عند ستي ماكس

المقطع الثالث

لون البويه+ تداخل لون الستاره=
حلو الترقيع لون الفوشي مع لون البويه ررهييب مع احب التطقيم لون الفرشه والستاره ولون الاثاث !! البساطه احلى
شووفو العفش الي فوق مكتبها كله ذكريات لو تحط كووب لونه حلو طللع شكله شي
وحركه السبوره الي على الجدار حلوه
استغلت مساحه غرفتها الكبيره

المقطع الرابع

غرفتها حلوه مرره ولاتكلفت فيها سمبل والوان هاديه والدببه فكره حلوه ماقالت انا بزر؟
والبوسترات الي على االجدار حلوه

وحلوه فكره انها جابت لوحه ولصقت عليها نوتات وذكريات بدل ماتحوس الجدار لو شالت النوته يبقى الصمغ على الجدار

المقطع الخامس



حلوه الاشياء الورديه الي عند الدريشه والورد اعطت جوو
وترتيبها للاكسسوارات بدل ماتحطها بالدرج وبس
اللوحات حاطتها على الارض ليتها معلقتها حلوه اللوحات ورخييصه وتملي الجدار
نرجع لموضوع المخدات لونها حلوو مره واستغلالها للمساحه علقت على الباب الجزم اعزكم الله

وازين شي انك تملين الجدار انك تحطين رفوف وحطي عليها ذكرياتك او اشياء صغيره تهبل


للي تبي تشتري من ايكيا

كتالوج ايكيا بالعربي 2011
http://www.ikea.com.sa/index.php?opt...=22&Itemid=203
لأن مفارش ايكيا رهيييييييييييييييبه
وتعطي شكلل رهيب للغرفه






طبعا مااحب اتقيد بألون بناتيه بيبي بنك فوشي احمر

وانتهى عصر لون الاثاث اسود والا بني يخلي الغرفه كئيبه مهما حاولتي بيطلع
ازين لون الابيض تقدرين تدخلين اي لون معه سماوي وردي خاصه الي من ايكيا

طبعا الموضوع مهوب منقول ولاشي مني
جازت لي المقاطع وحبيت تشوفونها
واتمنى انه جاز لكم
في أمان الله

طبعا الموضوع مني انا مهوب منقول ولا شي:)