sesame chicken (chinese recipe)

كيفكم ياحلوات جايبتلكم اكله صينيه بتجنن خطيبي كتير بحبها عشان هيك دورت على طريقتها من موقع اجنبي وعملتها اليوم طلعت بتجننننننننننننننننن وحبيت انكم تجربوها لاني كتيييير بحب هالمنتدى



دجاج بالسمسم

3 صدور دجاج مسحب ومقطع انا قطعته قطع متوسطه (متل حجم اللحمه تبعت الشوي )
الخلطه اللي رح ننقع فيها الدجاج :
2 م.ك صويا صوص
1 م.ص زيت سمسم
2م.ك طحين
2م.ك نشا
2م.ك ماء
ربع م.ص بيكنج باودر
ربع م.ص كربونه
1 م.ص زيت زيتون


تخلط جميع المقادير معا وانا حطيتها في كيس ( متل اكياس اللي بنحط فيها الخضره للمونه في الفريزر ) ويوضع فيها الدجاج وبقلب جيدا حتى توصل الخلطه لكل الدجاج وتوضع في الثلاجه من قبل بيوم من الطبخ
بعدين تقلى قطع الدجاج في الزيت.

الصوص
نصف كوب ماء
كوب مرقه دجاج
ربع كوب خل تفاح طبيعي
ربع كوب نشا
كوب سكر
2م.ك صوباصوص
2م.ك زيت سمسم
فص توم مفروم ناعم

توضع المقادير على النار مع التحريك المستمر حتى تغلي ثم تترك على نار هادئه حتى تصل الى السماكه اللي بتحبيها
ثم يوضع الدجاج القلي في صحن التقديم وتسكب فوقه الصلصه ويرش عليها قليل من السمسم المحمص وبالهنا والشفا وان شالله

(ملاحظه : م.ص = ملعقه صغيره م.ك = ملعقه كبيره كوب = كوب شرب الماء ما تحكولي نستبدل زيت السمسم بزيت تاني لانه الاكله اسمها دجاج بالسمسم)

يارب تعجبكم واي استفسار انا جاهزه