حأنقل بعض الردود وأعلق تعليقاتي كاملة ..
رح قول لك شغلة ، كتير رجال لما تمدحيه بيكبر راسه ، بس أنا نسيت أقول أنو لازم تلعبي عالحبيلين
يعني مثلا : قلتي لزوجك كلام حلو فرد عليك أنو احمدي ربك أنك زوجتي
الجواب منك لازم يكون: اي مين قال لك أنو ما عم أحمد الله ؟ يخليلي ياك (وعطيه بوسة) ،
وكمان أنت لازم تحمد الله أنو رزقك زوجة بتشوف مميزاتك وإيجابياتك وبتتغاضى عن سلبياتك وبتهمشها وبتمدحك وبتحترمك .. يي الله يحفظني شو مافي مني (واضحكي)
ع فكرة الرجال كلهم شايفين حالهم أنوا بينحبوا ، وبفكروا بالتانية هههه
بس عنجد لما تحسسيه أنو مقصّر وتحطميه توقعي أنو لما يشوف مرأة بتحترمه وتقدّره وتشعره أنه مميز رح يحبها ويسحب عليك
والله يا أختي اللي بيسكر هذا ما منه أمل ، إذا بتقدر تتركه أريح لها ، هذا أصلا ما بيستاهل ينمدح ولا ببين معه المدح!
أنا عم احكي عن الشخص العادي ...
هذا هو عين العقل !
كلامي مو معناه أنك تكوني ضعيفة وتسمحي له يهينك ويضربك وتسكتي وكمان تمدحيه
أنا قصدي نفس اللي عم تحكيه عن الزوجة التانية بالضبط
تكون مجبرته يحترمها وبنفس الوقت تعطيه حب واهتمام ومدح ودلال.
يا قلبي أنا هلأ عم احكي مع الحوائيات ، لو بدي احكي مع الرجال والله في بقلبي كلاااااااام
بس خلينا نصلح طرف عالأقل وتكون المرأة ذكية وتعرف تتعامل ، لعله الرجال مع الأيام يذوق ويحس ويصير يشكر هو كمان
أما عن كلامك أنو إذا مدحتيه بينتفخ ، هذا طبيعي وصار معي
بس أنا بشوف أنو الزوجة تمدح زوجها وكمان تمدح حالها أمامه ، مثل الكلام اللي كتبته فوق.
(ادفع بالتي هي أحسن فإذا الذي بينك وبينه عداوة كأنه ولي حميم)
صح في رجال هيك ، بس أكيد عنده نواحي تانية إيجابية ، خلي نظرك عالإيجابيات
أكيد التطبيق مو سهل ، بس دربي حالك
إي أنا متزوجة ، وأكيد لما يعصب ما رح قول له كلام حلو ، رح ازعل منه
مرة زوجي عصب علي فقلت له: ع فكرة بفهم عليك لو حكيت بصوت واطي ، مالي بعيدة عنك مشان تصرخ
وتركته وعملت الشي اللي كان معصب مشانه ، وبعدين لما كنا رايقين ، قلت له: شوف روحي أنا كتير حساسة ومتعودة من بابا أنو لو زعل مني بفهم عليه من النظرة ، الله يسعدك لما تزعل مني بشي بكفيني نظرتك ، ما بحتاج تصرخ عليّ ، والله أنت مافي منك ربي يسعدك بس أنا حساسة كتير راعي هالشي فيني ..
بس أنا عم احكي أنو لما تكوني رايقة مع زوجك وعم تمدحيه احكي هالحكي ، مو لما يعصب عليك تمدحيه لا ..
ولو انتبهتي لكلماتي رح تفهمي قصدي ، أنا الكلام اللي كتبته فيه إيحاء أنو هو قابل للتغيير لأنو بيضبط حاله لما يعصب ..
-----------------------------------------------------------------------------------------------------
الردود ذكرتني بشغلات جديدة مهمة رح اذكرها هلأ ..
أول شغلة أنو لازم تكوني واثقة من حالك وتمدحي حالك بشكل مباشر أو غير مباشر
مثلا في صبية كانت مع زوجها ، فقالت له: أنا ليش بحبك كل هالحب هاد! بموووت عليك بعشقك ، ليش؟
قال لها: هذا السؤال غلط ، ليش ما تحبيني ؟ شو مقصّر معك لحتى ما تحبيني ؟ شوفي شي بتتمنيه ما عطيتك ياه ؟ طبيعي تحبيني!
ردت عليه: إي والله صح تقبر قلبي مافي منك والله أخلاق واهتمام وحب وكل شي ، فعلا أنت عطيتني حب كتيييير لذلك سحرتني وخليتني حبك
حبك لي وعطائك واهتمامك ما ضاع ، عطيته لبنوتة بتستاهله وبتقدّره وما بتنسالك الشغلات المنيحة .
فهي الآن جاوبته أنو فعلا هو منيح ، ما قالت له لا تصدق على حالك وأنت فيك وفيك وفيك !
لا بالعكس قالت له أنو هو فعلا منيح ، لكن بنفس الوقت قالت أنو هو عطا لانسانة تستحق وتقدّر.
مثلا لما تطبخي وتكونوا عم تاكلوا ، قولي ياي ما أطيب هالطبخة ، ناجحة كتير معي ، يسلمو دياتي على هالطبخ .. تتهنى فيني (واضحكي)
لما تكوني لابسة ومتزبطة ، شوفي حالك عالمراية وقولي الحمد لله اللي الله رزقني هالجسم الحلو والشعر الحلو ، عنجد الحمد لله .
باختصار امدحيه وامدحي حالك
-------------------------------------------
بشوف أنو الزوجة حلو أنها تكون قوية وبنفس الوقت ضعيفة
مثلا لما يهينك ازعلي وقولي له كيف هان عليك تجرحني؟ كيف طلعت منك ، طول عمرك حنون ، ما عم صدق أنك عملت معي هيك ما عم صدق!
وإذا أظهر لك حزنه سامحيه فورا ، لو تدلعتي رح يطنشك ويسحب عليك
صارحيه بأساليب حلوة ، مثلا في بنت كان زوجها كل ما طبخت لازم ينتقد الأكل ، ملحه زايد ، ملحه ناقص ، يحتاج ليمون ..... إلى آخره ، المهم ينتقد
مرة من المرات كانوا قاعدين ومبسوطين ، قالت له بدي اسألك سؤال:
لو رحت عالسوبرماركت واشتريت أغراض البيت ، ولما رجعت شافت زوجتك الأغراض ، قالت لك: ييي ما جبت معك خيار ، ولا شامبوا ، يي الله يصلحك شو هالبندورة مو منيحة
وانتقدت مشترياتك بعدما صار لك ساعتين وجاي تعبان ، وما طلعت منها كلمة يعطيك العافية تسلم يدك ويخليلي ياك
شو شعورك؟؟
هذا بالضبط شعوري لما أوقف ساعتين عم اطبخ وبعدين تنتقد الطبخ وما تقول يعطيك العافية ، ولو في عندك تعليق عالطبخ حابب تقوله مشان المرة الجاي انتبه ، معلش قوله بس مو فورا ، أول شي قول يعطيك العافية ، وبعد الاكل هات ملاحظاتك ، وكمان لما يكون الاكل لزيز وما عليه ملاحظات قول الاكل لزيز وتسلم يدك..
تقول بعدها صار ينتبه لنفسه وما عاد ينتقد الطبخ.
-----------------------------------------------------------------------------------
الخلاصة امدحي زوجك وامدحي حالك وصارحي زوجك بأسلوب مهذب ، والجأي لله تعالى مع الأخذ بالأسباب ، ((لو أنفقت مافي الأرض جميعا ما ألفت بين قلوبهم ولكن الله ألّف بينهم))
الألفة رزق من الله ، فالجأي لله تعالى ، وخذي أيضا بالسبب مستعينة بالله أن ينفعك بالسبب
شوفي ايجابياته وتغاضي عن سلبياته ، ومو شرط يدلعك المهم بشكل عام يكون منيح معك ، ولا تفكري بالطلاق إلا للأسباب اللي مستحيل تعيشي فيها مثل الإدمان وترك الصلاة والسرقة والترويج
فقط الشغلات الكبيرة ، لأن الطلاق كسر للمرأة ورح تتعذبي أكثر لو تطلقتي صدقيني ، تحملي الشغلات البسيطة وشوفي الايجابيات واستعيني بالله
وربي يرزقنا جميعا حياة أسرية سعيدة.
جميلة الشام @gmyl_alsham
عضوة فعالة
يلزم عليك تسجيل الدخول أولًا لكتابة تعليق.
ما شاء الله عليكي شكلك ذكيه بالتعامل مع زوجك ممكن تعلميني كيف تتعامل الوحده مع الزوج البخيل وجزاكي الله خير
ما شاء الله عليكي شكلك ذكيه بالتعامل مع زوجك ممكن تعلميني كيف تتعامل الوحده مع الزوج البخيل وجزاكي الله خيرما شاء الله عليكي شكلك ذكيه بالتعامل مع زوجك ممكن تعلميني كيف تتعامل الوحده مع الزوج البخيل...
أهلين حبيبتي
والله مو لهدرجة ، بس عم احكي بعض الشغلات اللي جربتها ولقيت نتيجة ..
بالنسبة للبخل حسب درجته ، هل بخيل وهو وضعه المادي ممتاز؟
هل بخيل عالأشياء الأساسية مثل مقاضي البيت واللبس الأساسي ، ولا بخيل بس على فساتين السهرات والروحة عالصالونات وهالشغلات؟
لأن في رجال عقلانيين وبيكرهوا التبذير اللي ماله داعي
فحسب البخل ومكانه بيكون الجواب
والله مو لهدرجة ، بس عم احكي بعض الشغلات اللي جربتها ولقيت نتيجة ..
بالنسبة للبخل حسب درجته ، هل بخيل وهو وضعه المادي ممتاز؟
هل بخيل عالأشياء الأساسية مثل مقاضي البيت واللبس الأساسي ، ولا بخيل بس على فساتين السهرات والروحة عالصالونات وهالشغلات؟
لأن في رجال عقلانيين وبيكرهوا التبذير اللي ماله داعي
فحسب البخل ومكانه بيكون الجواب
هو يوفر طلبات البيت الضروريه بس بخيل عل اللبس والطلعات واثاث البيت جدا سيئ وكمان على أشيائي الخاصه من عطور وكريمات و..... وما اعرف ريال يدخل يدي منه ومستواه المادي فوق المتوسط الله يعيني عليه ما عمره أعطاني هديه أو فرحني بشي .......حكيت قصة حياتي.. أخخخ... من طفشي ونكدي بس شكل البخيل ماله حل ...
هو يوفر طلبات البيت الضروريه بس بخيل عل اللبس والطلعات واثاث البيت جدا سيئ وكمان على أشيائي الخاصه من عطور وكريمات و..... وما اعرف ريال يدخل يدي منه ومستواه المادي فوق المتوسط الله يعيني عليه ما عمره أعطاني هديه أو فرحني بشي .......حكيت قصة حياتي.. أخخخ... من طفشي ونكدي بس شكل البخيل ماله حل ...هو يوفر طلبات البيت الضروريه بس بخيل عل اللبس والطلعات واثاث البيت جدا سيئ وكمان على أشيائي...
أحيانا طريقة الطلب تخليه يصير بخيل
مثلا تقولي له أثاث البيت سيءومحتاج تغيير هي الكلمة كبيرة ورح تعمل له هم كبير
لكن مثلا عند غرفة الضيوف صارت كتير سيئة ، قوليله غرفة الضيوف محتاجة تغيير
حبي رح آخذ منك كل شهر وأخبيها لحتى يتجمع سعر الغرفة
يعني حاولي لما تطلبي تعطيه حلول بحيث يصير صعب يرفض
ولا تطلبي كل شي دفعة وحده وتجيبيله الهم فيرفض كل شي
والهدايا أنت ابدئي وربما يبادلك
واطلبي منه مصروف ، لو قليل أحسن من بلا
قوليله طالما أنت صعب عليك تشتري كل شي بحتاجه ، أحسن حل تعطيني مصروف يناسب ميزانيتك وأنا بدبر حالي ، حتى لو ما كفاني المصروف ممكن أجمع مصروف كذا شهر واشتري اللي بحتاجه ، المهم يكون في أمل ..
أنا ما جربت البخيل ، ممكن يكون كلامي ما بيتطبق مع البخيل كتير ، بس مجرد اقتراحات ..
مثلا تقولي له أثاث البيت سيءومحتاج تغيير هي الكلمة كبيرة ورح تعمل له هم كبير
لكن مثلا عند غرفة الضيوف صارت كتير سيئة ، قوليله غرفة الضيوف محتاجة تغيير
حبي رح آخذ منك كل شهر وأخبيها لحتى يتجمع سعر الغرفة
يعني حاولي لما تطلبي تعطيه حلول بحيث يصير صعب يرفض
ولا تطلبي كل شي دفعة وحده وتجيبيله الهم فيرفض كل شي
والهدايا أنت ابدئي وربما يبادلك
واطلبي منه مصروف ، لو قليل أحسن من بلا
قوليله طالما أنت صعب عليك تشتري كل شي بحتاجه ، أحسن حل تعطيني مصروف يناسب ميزانيتك وأنا بدبر حالي ، حتى لو ما كفاني المصروف ممكن أجمع مصروف كذا شهر واشتري اللي بحتاجه ، المهم يكون في أمل ..
أنا ما جربت البخيل ، ممكن يكون كلامي ما بيتطبق مع البخيل كتير ، بس مجرد اقتراحات ..
الصفحة الأخيرة
المشاكل لابد تصير ومافي حدا كامل
يعني بعرف وحده حياتها كلها صعبة ، تزوجت وزوجها ما كان جايب لها غسالة ولا بوتغاز ، كانت تغسل كل اسبوع عند أهله ، وتطبخ عالغاز تبع الرحلات
ومع هيك تمدح زوجها وتموت عليه
وبعدين صارت لزوجها ظروف وترك العمل ، وما عاد عندهم دخل وعاشت فترة صعبة ، وكمان كانت تمدحه وتحبه لأن الشي مو بيده
وبعدين ضاقت عليهم وما عاد في مجال يدفع إيجار البيت وعاشت فترة عند أختها ومع هيك صبرت وعلاقتهم ما تأثرت
وبعدين صار لهم سنتين بدون عمل ، وصارت هي تشتغل في البيت وتبيع ، وكمان بدون ما تضجر وتهينه لزوجها بالعكس شغالة فيه مدح وحب وحركات
خاصة أن الظروف غصب عنه وعدم عمله ليس إهمال
لذلك الحب والمدح والاهتمام مو معناه أن الحياة كااااملة ، لا ، معناه أنك تتأقلمي على حياتك وتعيشي مع زوجك بسعادة بدون ما تخلي الصعوبات تأثر عليكن