يا أهل الرومانسية ... دلوني

هلا بالغاليه
مبروك لزوجك مقدما وان شاء الله دائما من احسن لاحسن
ولوني مو وايد صحبه مع الكت كات لكن راح اجرب اساعدك ..لكن اولا حابه اعرف اذا عندك اطفال يعني اذا الحفله راح تكون عائليه او فقط انت وزوجك ..
والى ان تردي على سؤالي راح اجمع بعض الافكار ..

ياسلام عليك ياميمي دايماً معنا على الخط .. الله يحفظك ويبارك فيك

عزيزتي الأطفال موجودين وممكن نصرفهم إذا لزم الأمر

***********************************************************

خسارة إن ما لك صحبة مع الكيت كات :30: وش رأيك أغير أسمي ؟؟؟

كيت كات
لا حرام تصرفينهم لازم يحتفلون مع ابوهم ...اما انك اتصحيهم بدري هذاك اليوم وبذلك ينامون بدري ويخلالكم الجو ..مع اني مع اعتقد انهم بينامون بدري في يوم فيه وناسه ...او انكم توعدونم بيوم خاص تقضونه في منتزه مثلا ..ويوم تحتفلون تصرفينهم على قولتك ...

المهم ..جربي يكون في شي غير مختلف عن كل يوم من ناحية الديكور ..مثلا الشموع اذا ماكنتي متعوده انك تضعين الشموع بكثره في البيت او انك في العاده لا تشعلينها ..ففي هذا اليوم انثري بعضها في ارجاء البيت حتى في الحمام..وطبعا غرفة النوم ..خاصه العطريه منها ...وفي المساء اشعليها لتعطي جو رومانسي ...

الهديه ...::طبعا تغلفينها بطريقه مبتكره وتزينيها بزهرة روز حمراء بغصنها اما كلمات التهنئه ...خليها ايضا غير ...جربي الطريقه الموجوده في موضوع سابق كتبته بعنوان ( جديد من نوعه تجربتي مع تعتيق الورق ) فكرته رائعه وخصوصا لو كانت الكلمات مكتوبه بلون احمر قاني ثم لفي الورقه واربطيها بشريط احمر مثلا

مائدة الطعام غيريها عن كل يوم يعني استخدمي الطقم المخصص للمناسبات والضيوف ..جهزيله الاطعمه المفضله اليه ...اذا كان ياكل حلو كتبي عليه عبارات حلوه ..حتى اذا طلبته من مطعم اطلبي ان يكتبو عليه عباره محدده ..

مدخل البيت زينيه بباقة ورد ملونه .....وباقه صغيره في غرفة النوم ..

واذا كنت تستمعين للموسيقى ..اختاري الكلاسيكي ورومانسي منها مثل ( my all ) لماريا كاري ..واغاني سلن ديون .....

اذا زوجك من مستخدمي الانترنت ...ارسلي له بطاقه صباح ذلك اليوم الموعود :)

طبعا مانوصيك على اللبس والشعر والمكياج ..
المهم كل شي يكون غير المألوف ..ماتعودت عينه على شوفته ...

وهذا ماجادت به قريحتي ...واتمنالكم اسعد الاوقات

بعض الافكار بالصور



فكره لكاسات العصير

ماشاء الله meme ما قصرت
شوفي هالموقع بيعطيك أفكار
http://www.fekraonline.com/love%20idea
و
كان ما كفاك رجعت لك