شوفوا الزيوت وش سوت بشعري

مرحبا بنات..
حبيت اقول لكم وصفات استخدمتها من هنا وفادتني..
اولا..
_زيت النارجيل مع قشر الموز..هذي تقوي الشعر وتعطيه ملمس ناعم ولمعه شي خيال..علما بان شعري جاف ورايح فيها..وخشن ومقصف وباهت..بس بعد ما استخدمت هالخلطه تغير شعري..كنت اسشور شعري في ساعتين ويطلع محروق واطرافه صايره شجرة من كثر التقصف..اما الحين ساعه الا ربع ويطلع كانه ناعم..جد جد روعه..
_والخلطه الثانيه اللي لمست منها نفس النتيجه..هي زيت الزيتون مع زيت الخروع واللوز والسمسم..
====================
وبالنسبه للبشره
فلان بشرتي مركبه والجاف فيها جاف جدا لدرجه انه يتقشر اذا ضغطت بابعي في وجهي وسحبته..يعني يطلع خط ابيض قشور..لا تقولون هذا لاني ما سويت تقشير...كنت ورب النعمه اسوي تقشير اليوم بكره تطلع قشور وكريم الاساس والبودره يطلع مغبر وحالتي حاله كني دخلت وجهي بخيشه دقيق..والحاله صعبه..بس بعد هالخلطه صارت بشرتي متعادله وناعمه ومشرقه واحس فيها حياه..وبعد المكياج تطلع بشرتي مخمليه ولا اروع..
هالخلطه هي:
علبه جليسوليد+3 ملاعق عصير ليمون+3ملاعق عصير برتقال+7 الى 10 ملاعق موية ورد..احطها الليل والصبح اغسل وجهي بغسول الوجه..وجهي يطلع منور..ما تخيلت ان بشرتي ممكن تصير كذا في يوم من الايام وانا اللي كنت اقول بشرتي ما فيه امل تتعدل..بس مع هالخلطه شي جنان..طبعا الخلطه احطها في الثلاجه وكل يوم احط منها..

_ونفس الشي بالنسبه لزيت اللوز للوجه عشان انظفه من الزيوان..صح اللصقات اسهل وعمليه اكثر بس ما تعطيك النعومه اللي يعطيك اياها زيت اللوز..خشمي يصير يلق وناعم من بعدها..

_وبعد مرارة الماعز اللي خلصت شهر وعليه ما طلع لي شعر..

وفيه حاجات توني الحين ببدا اسويها اذا سنحت لي الفرصه لاني ادرس والاهتمام مع الدراسه ما يجون بس بقدر المستطاع بحاول واذا طلع نتيجه علمتكم..
=======================
في النهايه اعتذر لعدم ذكر الاسماء بصراحه ناسيه اسامي صاحبات الخلطات ولكن اشكر كل وحده ساعدت البنات هنا وساعدتني انا بالخلطات الرائعه وربي يوفقها..ويعطيها العافيه ويسكنها جنات النعيم ويحسن خاتمتها ويغفر لها ويصلح لها ذريتها وزوجها..ويعطيها على قد نيتها..
آآآآآآآآآآآآآآآآآآآآآآآآآآآآآآآآآآآآآآآآآآآآميييييييييييييييييييييييييين..

اختكم..
سبائك العسجد..