بنت جيرانا هبلت بي بعد ما شفت شعرها

سلالالالالالام يشق وجيهكن شق انتي وياها <--- لا بس متحمسـه اول مشاركه لها :34:

بصراحه يعطيكن العافيه على هالمواضيع الحلـوه كل موضوع احلى من الثاني بيتـنا غدى متحـف زيوت من بعد ما عرفت منتداكم المفيد

المهــم اسمعوا الخلطـه هاذي سـهلـه كثير ولا فيهـا أي صعوبـه انا قطعت جارتنا لفترة وامس شفتها<---امحق جيره :29: وانهبلت قلت يمكن اني مضيعة في البيت :eek: طلعت برى وشفت الباب مره ثانيه الا هو نفس البيت لكن صاحبت البيت مهيب هي :34: مدري وش سوت في نفسها ما شاء الله لا اله الا اللـه

شعـرها يجنن نعــومـة , طول , غلاظه , لمعـان كل اوصاف الشعر الصحي والجذاب <--- اصلح اسوي اعلانات تجارية مع وصفي اللي مدري وش يبي :(

المهم يوم سألتها الا تقولي بصراحـه انا اتبعت وصفـه لشعـري وصار بالشكل هذا قلت لها .. طيب وش هالوصفه اخلصي ؟:confused: <--- مو كفاية قاطعتها ومن زمان ما رحتي لها ! .. الا قالت لي زيت عافيه حجم متوسط تحطينه في برطمان " مهوب جمع براطم ترى انتبهو " :42: و تجيبين حلـبه تحطين الحلبه في داخل البرطمان اللي فيه زيت العـافيه تسكرينه زييييييين تتركينه لمدة 10 أيام بعدين تبتدين تحطينه بعد العشر ايام في شعرك هي تقول انها تحطه من العصر الى بعد العشـا و بعدين تغسلـه بشكل يومي بصراحه النتيجه فتاكه <--- وشدعوى بف بف !

ادري بتسألوني عن الكمية بصراحة هي قالت لي زيت العافيه حجم وسط اما الحلبة ما قالت لي بس ابي اسألها لكم ان شاء الله و اكتبها لكم . <--- دامك منتي متأكده وشوله جايه تكتبن الموضوع يا حظي !؟ :(

بكره ان شاء الله ببتدي اجربها بعد ما أسألها لكم عن الحلبة ونشوف النتايج انا حبيت اكتب الموضوع لاني بصراحه متحمسه اني اشارككم مواضيعكم الحلوه وخاطري اسوي نفسي خبيره و ازعط شوي :cool:

بالنسبة لشعرها اساسا ناعم صراحه و زين بس ما كان بالطول هذا والكثافة هاذي واللمعان هذا وبعدين هي تقول جتها فتره طاح شعرها وبالذات من قدام بس بعد ما استعملت الوصفه هاذي تعدل شعرها و رجع لحيويته .

يله نبي نشوف بعد ما نجرب وش نيصير عاد علموني عن النتايج واتمنى انكم كلكم تستفيدون