غرفة الولادة ..و النفاس

السلام عليكم .. ما ادري شلون ابدا موضوعي عقب انقطاع عن المنتدى تقريبا سنتين تزوجت فيهم و حملت و ولدت طبعا ما كان عندي وقت احك راسي فيهم و راده كاني ضيفه مو عارفه اكتب ..الزبده ودي اشرككم معاي بتجربتي في الولاده و النفاس و استفادتي من خلطات المنتدى و أشياء أنا جربتها و عرفت فوايدها ..و نبدأ الولاده بمراحل:
المرحلة الأولى : كنت حاسة اني تعبانة "و الصراحة تنقال مو حيل "بس لمده 3 أيام قمت امشي في الحديقة و لما صار الليل يعني الساعة 11 رحت و فورت عشبة ( كف مريم ) اللي ذكروها البنات و نطرت يصير شي ما صار بس نزل ماي شوي المهم قلت بقلبي ماكو فايده خل الف راسي و انام ...
المرحلة الثانيه : قعدت الساعة 3 الفجر من الاوجاع و على طول للمستشفى ..بس مارحت فاضية أخذت معاي الحلتيتة "و طبعا هاذي من المنتدى قالوا انها توسع الرحم " و لما فحصت علي الدكتوره قالت الرحم مفتوح 5سم و الحالة ولادة ...
المرحلة الثالثه: غرفة الولاده و الدكاتره و الممرضات ..كانت عندي بنات خالة و حموات الله يسامحهم خرعوني من الاطباء و الممرضات قالوا يلعبون فيج و معاملتهم خايسة ..و انا لقيت العكس "هذا علشان ما تصدقون كل اللي ينقال
المرحلة الرابعة :الولاده ..شفت الموت قدامي ..و الحلتيته بايدي و الحمد لله دخلت 5 و ولدت 5و عشر يعني نوعا ما احسها سريعة ...
المرحلة الخامسه :الخياطة ..لما شفت الدكتوره تخيطني اغمى علي مع العلم اني مخدره بس شلون شفتها و اغمى علي ما ادري ...عقب قالت لي الممرضة اذا تبين الحمام رفضت مو لشي لاني خايفة من الخياط ..يعني تخيلي جرح و تغسلين فما بالج|||||||||||اامهم رحت الغرفة و تشجعت بمساعده امي اني ادخل الحمام و الحمد لله صار اللي ماكنت متوقعته ..ماكو عوار ..
بس المصيبه من العوار الاصلي ...الخياط ...
المرحلة السادسة :لما طلعت من المستشفى لا تشوفوني قاعدة على جنب على كرسي متحرك
و بالسياره بعد ..لا و المصيبه بالبيت نزلني زوجي من السياره و هو شايلني ليما السرير"يعني شنو بس انا اتعب خله يشيل اثقال و يتعب شوي :) " يعني تعذبت بالمشي و بس ابجي جني طفل صغير و اقول لنفسي معقوله انا راح اطيب و اصير صاحية مثل أول مستحيل ...
المرحلة السادسة : صار فيني امساك و يضغط على خياطي و ما اقدر اكلم احد من العوار و انا حياويه بعد..حطت لي جدتي الله يطول عمرها دهن لما اتوضا ادهن فيه و هو (سمن أو زيت زيتون + خوا جوا + مره ) بنطبخون مع بعض و تدهنين قيهم خياطك راح ترتاحين ..و طبعا الوضوء ما كنت اعرف شي اسمه ماء كنت اتوضا بمنقوع مره و لازم يكون دافي
المرحلة السابعة اللي انا فيها الحين و اعاني منها : مرحلة الراحة انقطاع الدم و انقطاع الألم و بقاء الخيوط ..... انا الحين استعمل الجفت بس ما طاحت خيوط الجرح و ما ادري متى تطيح لان بعض الحريم ما ادري جزاهم الله خير و الا الله يسامحهم ..يقولون ان الخيوط تطيح عقب عشرة أيام و انا مر علي اكثر من عشرين يوم و ماكو نية انهم يطيحون ..ما تنصحوني بشي











:41: و مشكورين على وقتكم اللي قضيتوه تقرون مشاركتي
و مشكورين سلفا على الردود "ان وجد"