ethar2009 :

قصة ولادتى السلام عليكم فرصتى البيبيات نايمين قلت فرصة اكتب فيها قصة ولادتى اللى كلها اثارة وعبر اول شىئ يا صبايا ناموا واشبعوا نوم قدر المستطاع لان انا اكتبلكم ومانى راقدة الا ساعتين ونص من الساعة 8 صباحا الى الساعة 11 اما الليل كله طوارى يفصل واحد يستلمنى الاخر مش مقصرين نهائى الحمد لله وثانى شى من يتوكل على الله فهو حسبه انا من اول يوم عرفت انى حامل بتوأم استخرت وقلت اذا كان الطبيعى فيه خير ليا ربى يسره واذا القيصرى فيه خير ليا ربى ان شاء الله ايجيبلى الخيرة ولا خاب من استخار اكيد الاغلبية عارفين انى من بنغازى ليبيا لكن الاقامة مع زوجى فى مقر عمله فى شركة نفطية تبعد عن ينغازى حوالى 300 كيلو متر والشركة فيها مستشفى خاص وولاداتى السابقة ولدت فى مقر الشركة لكن من فترة موقفين الولادة لغرض الصيانة فأختكم بديت اراجع فى مكان اقامتى فى الشركة واراجع فى بنغازى فى مستشفى خاص تابع للشركة والاثنين من افخم وارقى المستشفيات وبعد وصلت للاسبوع السابع والثلاثين قام زوجى باتصالاته وحصل على استثناء انى اولد فى مقر الشركة وقالوله المستشفى جاهز لكن ما فيش بنج اذا كان وضعها سليم تولد طبيعى اما اذا احتاجت قيصرى تنقل باسعاف لبنغازى وفى يوم 29 -12 حسيت بألم الطلق بس كان خفيف ذهبت للمستشفى قالولى انديرولك دخول لان فى اى لحظة يقوى الطلق طبعا انا رفضت الدخول وقلت لا انجيكم بعد ما يقوى عليا الالم وفى الساعة الواحدة ليلا زاد الالم نضت من نومى ودوشت ونزلت تحت وبديت امشى من الصالة الى الصالون الى المطبخ طبعا مع استغفار ودعاء وذكر الى الساعة الثالثة صباحا معاد تحملت نوضت زوحى من النوم ومن قوة الالم طلعت من البيت الى جنان البيت وزوجى موسع باله يسخن فى السيارة على اقل من مهله وانطلقنا للمستشفى وحتى المستشفى يبعد 20 كيلو عن مقر السكن واول ما وصلت لقيت قدامى وحدة حتى هى حالة ولادة طلع مش زوجى بس عنده معارف:44:وبعد ما كشفوا عليا قالتلى الرحم مفتوح 8سنتى اول مرة نشطر قبل اول ما يبده الالم على طول نمشى والمستشفى فيه 2دكتورات نساء وحدة ليبية ووحدة صربية انا كنت اتابع مع الليبية لكن الصربية هى اللى كانت عليها الاستدعاء دخلوا الاخت اللى قبلى الساعة الثالثة ونضف وانا بديت نمشى وندعى ونستغفر والاخت نسمع فيها تعبت واجد وركبولها الاكسجين واستدعوا الطبيب العام وطبيب الاطفال وانا مازلت اتوجع بس لقيت روحى ندعى للاخت اللى ايولدوا فيها ونسيت روحى والساعة 5 وربع طلعت الاخت تعبانة على الاخر بعد ولادة عسيرة وصارلها تمزق فى عنق الرحم ولان ما عندهم بنج خيطوها بدون بنج وقالولها خلاص ماعاد تقدر تولد طبيعى لازم قيصرى لان الرحم ممكن ايصيرله انفجار وشوى والاخت ايصيرلها اغماء من النزيف وطبعا انا نستنى فى دورى بعد المجزرة اللى صارت للاخت ايش اتوقعوا طبعا الساعة الثالثة ونص كان رحمى مفتوح8سنتى الساعة خمسة ونص نحس فى روحى خلاص حتى الحركة عجزت عليهامن كثر ما الطلق بدا كل 2:3 دقائق المفروووض نوقف دعاية:39: شوى والممرضة تفتح الدولاب وتطلع ملابسى اللى جيت بيها لان المستشفى له لبس خاص معقم ماما انتى فى تحويل انا وين تلقونى البيبى نحس بيه قريب ينزل نقوللها خلاص مانى قادرة اتحمل تقولى اسكت ماما وخوذ نفس واتدحمش والباش مهندس زوجى حطنى فى المستشفى وقعد شوى وبعدين رجع للبيت علشان الاولاد وطبعا انا من هول الصدمة ماعاد قدرت اتحرك لان الالم متواصل وشوى ودخلولى السرير امتاع الاسعاف لعند السرير ودخل ممرض فلبينى يساعد وحملونى الى سيارة الاسعاف واول ما طلعت لقيت زوجى بره كنت انين ونعيط بس بشوى شفت زوجى ما عاد مسكت فى روحى قلتله نبى عمليه ما عاد نتحمل الالم وكانت المفأجاة من زوجى باين عليه من كثر ما يسمع فى الممرضة تقول ياماما قالى معليش تحملى ياماما واحد طلع والاخر ما زال كلمته نزلت عليا كيف الصاعقة قلتله انا ما زال ما ولدت لا واحدطلع قلت والله كملت معايا الم الولادة وفقدان ذاكرة واجد عليا بديت انعيط وانقوله والله ما ولدت التفت على مدير المستشفى وقاله كيف مش قلتولى ولدت سئلوا الدكتورة قالتلهم لا ما ولدت لكن نخاف ايصيرلها مضاعفات زى الاخت الاولى ارتحت شوى قلت الا ان الواحد يفقد الذاكرة والمفاجاة الاخرى ان وضعى ما عاد يتحمل الطريق جهزولى قابلة فلبنية معاى فى سيارة الاسعاف والسيارة مجهزة ومتوقعين ولادة فى الطريق والمشكلة بنغازى بعيدة 300 ك م بعد الدلع بين الخاص بنغازى والشركة ترسالى الولادة فى منطقة تبعد عن الشركة 50 كم واول ما دخلت نوضت الصبايا الراقدات كلهن من الالم والعياط وكشف عليا د مصرى انا نقوله نبى عملية وهو يقول شيلوها لدار الولادة قلتلهم انا نبى عملية اذا تبوا ولادة طبيعية مش حنساعدكم فى شى ما تطلبو منى شى وبعدين من الخوف اللى قولوها ليا انديرها لحظة وطلع الاول وبعد الم ولية طلع الثانى بعد 10 دقائق مرات خبرة العام خير من دلع اخطاء الخاص وما طقيت شى لين جابولى الاولاد وانا تعبانة وكل ما انقول اه يقولولى يالله بلا دلع والله وضع ما تحملته صحيح الولادة كانت بالنسبة لهم عادية جدا لان مستشفى عام وعندهم خبرة وبعدها وقع عليا زوجى ونقلونى باسعاف فى العاشرة ليلا للشركة واول ما جيت اخذوا منى الاولاد وبقيت ثلاث ايام والبيبيات ما ايجيبوليش فيهم الا اذا طلبتهم ورجعت للبيت وبدأت معناتى مع السهر مع اعطر تحياتى اعذرونى قصتى ما عرفتش كيف الخصها باااااااااااااااااى

قصة ولادتى السلام عليكم فرصتى البيبيات نايمين قلت فرصة اكتب فيها قصة ولادتى اللى كلها...

همسة حب ووئام :

لا يمكنك مشاهدة هذا التعليق لانتهاكه شروط الاستخدام.