00000



والصــبر يعقبه إنفراج دائمــــا

0000000000000 والنصر يســـبقه اذى وبلاء ُ

والظلم لايبقـــــى الزمــان بطـــوله

0000000000000 والعــد ل دولتـه سنا وبقاءُ

( مجلة مساء )

أنا عارفة انكم دحين راح تقوموا الدنيا عليه بس ترا الجلسة على كل تفصيل ده الا يجيبنا لوراء دايما وعلشان كده الصلاة على النبي الخريجين اللي عندنا ماشاء كلهم مستواهم الدراسي والثقافي (( عشرين خط تحت الثقافي )) عالي مرة
بالنسبة ان الوزارة والرئاسة أندمجوا الكلام ده حصل والسلام لا تجلسوا تغنوا على الأطلال.
تاني شيء التغيير والتطوير في المناهج كان مرة ضروري وعلشان تعرفي صحة كلامي قارني في طريقة سير الدروس وتتابعها ولا تهتمي بالقشور وبالنسبة لكل التغييرات اللي سردتيها لغاية دحين ما أشوف فيها شيء نجيي من البداية :
أول شيء زعلانة علشان قرار تغيير الكتب عاجل ومهم أكيد لازم يكون عاجل ومهم أجل تبغيهم يركنوه على الرف لغاية ما يفتكروا قبل الامتحانات بأسبوع !!!!!
تاني شيء غيروا صورة الاستاذ بصورة بنت وولد طبيعي لأن المنهج صار للجنسين أجل تبغيهم يحطوا مثلا استاذ وأبلة !!
وبعدين انتي عارفة وكاتبة انه المنهج لسنة تانية و أكيد عارفة ان طلاب سنة تانية عمرهم 7 سنوات يعني لو في العيلة عندكم أولاد وبنات من ده العمر راح تفصلوهم عن بعض (( مع العلم انهم جمعوهم في صورة بس ومو في فصل وكمان صورة رسم كارتوني ))
انا معكي في نقطة هدر الكتب والمبالغ اللي ضاعت وانه كان في جهات كثيرة أولى بيها بس انا ما احب ابكي على الاطلال واللي صار ....... صار
نيجي للي بعده بخصوص انهم ليه غيروا كتب العربي صراحة الكتب كان لازم تتغير لأن الأسلوب اللي تمشي عليه اسلوب تربوي قديم جدا يمكن من أيام ما كنا أنا وانتي في المدرسة أول ما يبدأ الكتاب بزرع وحصد والطفل يعيد على النقط <<< كلامي عن كتب العربي بصفة عامة من أول أولى ابتدائي أكيد سنة تانية غير بس أنا أتكلم على الأسلوب >>> والطفل يتعلم أسلوب الكتابة حسب ضمير الأبلة بالها طويل على الأطفال ولا لأ لكن لو شفتي الكتب الجديدة مرة ممتازة ممتازة في الأسلوب وفيه كم مدرسة .... (( بالتحديد 3 مدارس هنا في جدة أعرفها جربت اسلوب الكتب من سنتين ماضية أو أقل تقريبا عن طريق ملازم أعدتها تربويات و أثبتت هذه الطرق نجاحها بشكل باهر وانا شخصيا دي السنة بنتي في سنة أولى في وحدة من دي المدارس ودخلت نص الحروف ما تعرف كيف تنكتب من خلال الأسلوب المطور ده الصلاة على النبي في خلال شهر االآن أصبحت تجيد القراءة من كتابها ومن غيره والحمد لله )).
وبانسبة انه تأليف الكتاب كان لنساء (( ماأدري ليه ننقص من شأن النساء مع أن الاسلام رفع شأنها ومافي أكثر من أخبار الرسول عليه الصلاة والسلام لنا عن السيدة عائشة بقوله : ( خذواشطر دينكم من هذه الحميراء )
صحيح انهم مو دكاترة لكن هم تربويات وكل دراستهم خبرتهم كانت في ده المجال وبعدين م معناته أن لو إمراء اللي ألفت الكتاب انها راح تدرس للأولاد ما احنا لنا سنين بندرس بكتب مألفينها رجال في احد منهم جاء درسنا !!!!!!!!!!!!!!!!!!!!!!!!!!!!!!!!
بعدين أكيد مافي مراجعين ولا معدلين لأن النسخة لسة جديدة فايش اللي راح يعدلوه بالضبط !!!! عمرك شفتي كتاب في أول طبعة منه حاصل فيه تعديل !!!!!!!!!!!!!!!!!!!!!!!!!!!!!!!!
وتقريبا الباقي كله يدور انك مقتنعة 100% انه صور الاولاد مع البنات تنم عن اختلاط ياعالم دووووووووول أطفال لسه ما وصلوا سن التمييز حتى الرسول عليه الصلاة والسلام لما خبرنا عن التفريق في المضاجع كان لسن العاشرة مو لدول عيال 6 و7 و8 سنين .
وبالنسبة للدرس عن أم سلمة رضي الله عنها على فكرة انتي محرفة الكلام اللي هم كاتبينه مرة مرة مرة أولا القصة دي صحيحة وفعلا أم سلمة كانت مشهورة في جمالها من صباها __ أعتقد المعلومة دي من الكتب القديمة وتلاقيها قي سير الصحابة __ ولو قريت تحت شوية حتلاقي الجملة دي بنصها ( أصبحت أم سلمة زوجة لرسول الله و أم المؤمنين بفضل صبرها ) وبعدين المصطفى عليه الصلاة والسلام بنفس ذكر في الحديث :(( تنكح المرأة لأربعة .......... )) وجاء منهم لجمالها معناته وضع طلب الجمال عند الزواج مو عيب ولا حرام

المهم ان التغيرات دي كلها ولا وحدة منها تخص الدين ___ أتكلم عن كتب العربي لمرحلة الاختصاص بالذات يعني أولى وتانية وثالث ابتدائي مو على بقية المناهج ___ كل الحكاية انها اتبعت اسلوب التعليم المطور اللي يستفيد منه الطالب مو حشو العقول وبس
وووو بس تعبت من الكتابة >>>>>>>>>>>>>>> حاسة انها فورت دم بعض الناس بس السموحة وأتمنى انه زي ما اتعودنا المنتدى يسع كل الآراء وده رأيي واختلافات الرأي لا تفسد في الود قضية .
وسلامتكم