اهلين بنوتات وحريمات كيفكم
لطشتلكم اليوم درس حلو اتمنى انه يعجبكم<<<لاحظو لطشت وجهها مو وجه دروس ههههههههههههههه
نبتدي بسم الله
اول خطوه تجهيز البشره لاستقبال المكياج و كل وحده على حسب طريقتها من حيث وضع البيس و
المرطب و يتبعها الفاونديشن و الكونسلر..
بعدها نبتدي بوضع البجمنت الذهبي من ماك واسمه Golden Lemon
ابتدي بسحب البجمنت للطيه الداخليه للعين مثل ما هو موضح بالشكل الي فوق
و هذا اهو الشكل الناتج عن السحب..
بهالخطوه نضع بجمنت لونه ماروني على احمر من ماك واسمه Accent Red
شكل الشدو بعد ما وضعه على العين من المفترض يكون بهالطريقه
نضع الشدو الذهبي Goldmine من ماك و نغطي كامل اللون الذهبي السابق Golden Lemon
استخدمي الفرشه لسحب اللون على الجفن بنفس الطريقه السابقه حتى الوصول الي الطيه الداخليه للعين..
شكل العين بعد الدمج في هذي المرحله..
بهالمرحله بنستخدم ظلال العين من ماك واسمه Passionate و نحطه على اللون السابق Accent Red و يكون الدمج بين اللونين في كسرة العين الخارجيه..
في هالخطوه استخدمي الفرشاه لرفع و جلب اللون قريب من عظمة الحاجب يعني خارج بشوي عن كسرة العين الخارجيه..
استخدمي الفرشاه للمزج بين اللونين الذهبي و الاحمر و الوردي الي بنستخدمه بعد شوي لاخفاء الخط الفاصل من بينهم..و يكون اللون شوي باهت..
نضع شدو Rite of Spring على كامل عظمة الحاجب
نسحب اللون على كامل منطقة تحت الحاجب لنهاية القوس المنحني لكسرة العين الداخليه..
نسحب اللون الوردي لاسفل ذيل الحاجب..
نتيجة الدمج والسحب
نستخدم فرشاه رقم 219 من ماك لوضع شدو Goldmine تحت الرموش السفليه مباشره
و بعدها نحط كحل Graphblack technakohl o داخل العين و ماسكارا من اختيارج