@ليان@ :

باختصار ياحبابيبي انا اخوي وزوجته جايين لسياتل باذن الله للدراسه وبيوصلون بعد العيد وبم ان اخوي مغترب جديد فشايل هموم الدنيا على راسه مسيكين ونا اكدت له ان اخواتي بالمنتدى ماراح يقصرون .. فسؤالي وش افضل الاماكن السكنيه هناك هم يبغون شقه طبعا وياريت تكون قريبه من الجامعه وفيها عرب.. وشي ثاني زوجه اخوي تسال كيف وضع السعوديات هناك هل فيه جمعيات ودريات بينهم وبين بعض ولا لا.. فياريت تردون علي بسرعه ..وجزاكم الله عنا كل خير ..وعساكم من عواده..

باختصار ياحبابيبي انا اخوي وزوجته جايين لسياتل باذن الله للدراسه وبيوصلون بعد العيد وبم ان اخوي...

حالــمــه :

السلام عليكم ورحمة الله وبركاته بنات انا زوجي عنده مؤتمر بامريكا وبالتحديد بولاية كاليفورنيا بلوس انجلس وبالتحديد بسانتا مونيكا مدة المؤتمر اربع ايام وبياخذني معاه وصراحه ابي هالروحه انبسط فيها يعني وش فيه مميز من ناحية تسوق او معارض ملاهي خاصة اذا فيه دزني قريبه من هالمناطق قولوا لي :) <<< تقولون بزر تحب اللعب المهم كل شي السايح الي يروح لهالمناطق المفروض يشوفها قولوا لي عليها حتى اذا فيه مطاعم مميزه وحلوه واسعارها طبعا معقوله واذا فيه فنادق حلوه واسعارها معقوله بهالمناطق ووش رايكم باسعارهم غالين وهل بهالمناطق فيه اوت لت واذا ايه وين فيه بالضبط ؟؟وهل تخفيضاتهم تستاهل الواحد يروح لهم والا خرطي كمان سمعت ان عندهم يوم اسمه بلاك فرايدي هو يوم الجمعه دايم فيه تخفيضات والناس تتجمع عشان هالتخفيضات من الفجر وبعضهم من الليل والمحلات تفتح من قبل الفجر هل هذا صحيح قريت هالكلام بمنتدى ثاني وتعجبت هل هو كل جمعه وهل هالتخفيضات حقيقيه والا وش السالفه بعدين يابنات دايم اشوف مواقع لمحلات ملابس بامريكا واشوف اسعارها مره اسعارهم حلوه على الويب سايت للي بيطلب لكن هل محلات زي كذا خاصة فساتين سهره او فساتين زيارات تكون انيقه وحلوه واسعارها مره حلوه لكن لاني مااعرف اطلب بس اتفرج واتحسر هل تعرفون محلات زي كذا ممكن الواحد يروح لها بنات دخيلتكم كل شي ابي اقول بنات عالم حواء قالوا لي واتفاخر فيكم قدام زوجي لانه دايم تطنز فيني اذا قالي شي اقول بشوف البنات وش يقولون هههههههههه قصدي بنات حوا مسكين مل من كثر مااقول البنات قالوا البنات سووا البنات راحوا جو.......... وطبعا المقصود بنات عالمي عالم حواء وكل منطقه من هالمناطق وش تنصحوني فيه كم المده الي تستاهل اني اجلسها فيها ؟؟؟ المؤتمر يبدا بـ 22 سبتمبر ويخلص بـ 25 ومدة رحلتنا ماراح تتعدى 15 يوم غير يومي الذهاب و العوده كل شي بيفيدني في كاليفورنيا ولوس انجلس وسانتا مونيكا لاتنسوني فيه خاصة الاشياء الي ماتتفوت انتظركم يابنات حوا

السلام عليكم ورحمة الله وبركاته بنات انا زوجي عنده مؤتمر بامريكا وبالتحديد بولاية كاليفورنيا...