مانولا :

الحقيقة انا كنت فاكرة انى اكتر واحدة تعبت واتعذبت فى الحمل والولادة لكن بعد ما قريت قصتك اكتشفت ان معاناتى متجيش نقطة فى بحر من معاناتك انا برضة كنت حامل فى توأم بالحقن المجهرى وولدت فى اول اسبوع فى السابع وكان وزن كل طفل واحد كيلو ودخلت فى معاناة الدكاترة والحضانات وكانوا بين الحياة والموت وعلى فكرة انا اول مرة اسمع عن الحقن اللى بتتاخد عشان رئة الاطفال تتفرد لان للاسف محدش قالى عليها كنت قافلة على نفسى شبابيك وابواب مكنتش عايزة اسمع صوت اى حاجة كان كل همى اطمن على ولادى ابنى اتوفا بعد اسبوع و**** اعلم اذا كان مات من الاهمال لان المستشفى اللى كان فيها مشهورة بالاهمال لكن اعمل اية جهاز التنفس مش موجود الافيها اما البنت الحمد للة ربنا خلاهالى عندها 5 سنين والمفروض هاعمل حقن مجهرى تانى قريب لكن الحقيقة انا خايفة وبعد ما قريت قصتك بافكر اتراجع لان مش عارفة اية اللى مستنينى انا اسفة انى طولت عليكوا بس حكاية شرايين قلبت عليا اوجاع كتيرة ربنا يكرمك ويعوضك عنهم خير ويعطى كل اخت فى المنتدى توأم سليم معافى يارب ما تحرم حد من احساس الامومة لان غالى اوى

الحقيقة انا كنت فاكرة انى اكتر واحدة تعبت واتعذبت فى الحمل والولادة لكن بعد ما قريت قصتك اكتشفت...