بكيت وبكيت وبكيت لين تقطع قلبي
بكل دمعه نزلت من عيوني فيها حزن وذكرى للي مريت فيه
كلامك عن غرفة الولاده نفس اللي مريت فيه...مجزرة وشي صعب ينسى
ولدتهم على اخر السادس كنت اصيح على الممرضه اقولها حطيله اكسجين تقولي مافي اكسجين هنا في غرفة الولادهبس الفرق انها هي تبكي معي وتقول مافي معلوم بيبي حي دكتور يقول بيبي موت
حسبي الله عليهم الله لايسامحهم
تخيلي كنت اولد البنت وعيني تتبع الولد وهو يبكي ويصيح ويموت ببطء
حتى لو وجهه وهو يتغير للحين مانسيته
اسمر...احمر...ابيض..ناشف وبعدين ازرق اختنق سعود ولدي وحبيبي
صاح باعلى صوته كانه يقول ليش تسوون فيني كذا
حرام عليكم
لو الحين حي هو واخته كنتو ماتشوفوني هنا...بيكونون بالصف الاول اكيد تعبانه ادرسهم

يالله ياشرايين شنو سويتي فيني؟؟؟؟
اللي ناسيته جبتيه .

يالله يارحمن يارحيم يامثبت القلوب ثبت قلبي وقلب كل من فقدت جنينها
يارب الهمنا الصبر
يارب اجعلهم شفعاء لنا يوم القيامه
اللهم عوضنا خيرا منهم ياكريم

انا جبت بنت بعدهم والحمدلله لكن الموقف صعب ومستحسل انساه

يارب رحمتك

عظم الله اجرك ويعوض الله عليكي بالذريه الصالحه ولاتنسي ياختي ذكر الله والاستغفار واحتساب الاجر لله سبحانه ربي ارزق اختي شرايين زوجها بالذريه الصالحه وارزق كل محروم ياسميع الدعاء

اه والله انه احترق قلبي عليهم واني من شده ما اثر فيني ماقدرت اكمل وركض على الحمام ارجع
ومن البكي اشتد القولون معي
يارب يعوضك ويرزقك ويرزقني ويرزق كل محرومه آآآآآآآآآآآآآآآآآآمين

الله يعوضك اختي شرايين ويجعلهم شُفعاء لكي في الجنة
والله يؤجرك في مصيبتك ويخلف لكي خيرا منها
قال الرسول صلى الله عليه وسلم : ( إذا أحب الله عبداً ابتلاه )
فانتي ابتليتي لعل هذا الأبتلاء من محبة الله لكي وتكفير وتطهير لذنوبك
ومن منا لا يعاني والله اني احمل هم لا تحمله الجبال بس على قولتهم (خليها في القلب تجرح ولا تطلع لبرا وتفضح)
واعرف اننا ما راح نستطيع ان نجلي همك ولكن لعلنا بهذه الكلمات البسيطة ان نخفف عنك

اختك
مملكة الأنسانية

مدري ايش اقول حبيبتي ماعاد اشوف الكيبورد من الدموع
الله يعوضكم ويجعلهم طيور فالجنة بإذن الله
( إنما يوفى الصابرون اجرهم بغير حساب)
يارب اشوف بشرى حملك قريب