طبعا كل وحدة فينا حايسة في يدين الشنط من فين تشتريها ويمكن تفك شنطها عشان تركبها تاني المهم باختصار اكتشفت طريقة خطيرة جدا لصنع يد شنطة ببلاااش!!!!>>>>>لاياشيخة
هههههههه والقصة اني شفت يد شنطة بنت عمي المدورة المعروفة قلتلها والله ماحصلت من هذه اليدين ما ادري فين يبيعوها وحتى حصلت خشب خفيف وغالية وشوية قالتلي تعالي شوفي اليدين الغالية ايش هي!
تعرفو ايش طلعت هي نزلت تلبيسة القماش شوي الملفوفة على اليد وطلع سلك كهرباء مدبسة اطرافه وملبسينه قماش اه يالقهر:mad: اذا هذه شنطة جاهزة كدا !!!!
طبعا جربت الطريقة الرهيبة وحبيت تستفيدو معايا يلاعاد جمعو الاسلاك وجهزوا الايادي الشنط وهذه الطريقة بالتفصيل ولا تنسوا الدعاء لي بالذرية الصالحة
وكل عام ورمضانكم بخير
ماشاء الله تبارك الله
طبعا اولا ناخذ سلك الكهرباء ونقصه بالمقاس المطلوب لليد ونخرج الاسلاك الصغيرة الي جوه سهله بس اسحبيها حتخرج على طول
دبسي طرفي السلك بالدباسة وبسهولة حتدبس لانها فاضيه جوه ولينة شوي دبسيها من الجهتين او دخلي سلك صغير من الجهتين واعقديه او خيط او اي شي يمسك الطرفين
طبعا الان نلبس اليد بالخيط ونوصلها بالشنطة
والنتيجة النهائية
هذه وحدة من شنطي للعيد ولسا ما خلصتها
تسلمين والله عزيزتي احب