انا ماقد سويت له ليله رومانسيه لانه مايتفاعل معي ,, مهو رومانسي اصلا ابد
جايب من الاخر الرجال

الليالي الرومانسيه ان عودنا الزوج عليها عاد لازم تحطينها في برنامجكم الشهري يعني اصلا لازم نجدد بس نختلف في نظرتنا للتجديد كيف يكون من شخص لآخر..انا قبل لا افكر في نوع التجديد لازم اكون قست نبض زوجي في هالحركات او اكون عارفه طباعه يعني ما اروح اسوي ليله من الخيال مع زوج من العصر الحجري ههههههههههه والله ليفلق راسي بردت فعله اذا ما طبني وراح يرقد..انا بس حبيت انوه لهذا الامر لانه لابد من التجديد بس بدون تكلف لانه راح يتعود على هالشي بعدين ولما بتهملينها بانشغالج في البيت او الاولاد راح يحس بفرق عاد لا تلومونه..تراه الزوج مثل الطفل على ما تعودينه عليه يتعود..
إرواء العليـــــل..عزيزتي حبيت ارد على كلامج لما قلتي الرجال قوامون على النساء وانهم اعلى منا بدرجه..بس حبيت اوضح لج الدرجه و للقراء .. كلمة قوامون يعني الرجل يقوم علي خدمت المرأه يوفر لها كل سبل الراحه ويضع لها خادمه اذا تسمح الميزانيه يعني رتبتهم العاليه في شي المفروض نحن نحمد الله عليها..
:27:

كاجـو اختصرت الي أبي أقولــه :27: .. و برضه alra7eyl :
كلمة قوامون يعني الرجل يقوم علي خدمت المرأه يوفر لها كل سبل الراحه ويضع لها
وواضح ان الي فهموا فكرتي قليل .. أرجع وأقول لكم :) خلوكم واقعيات .. وافرأوا أكثر لفهم الرجل .. والسعودي بالذات :D ولا انتم الي بتتعبون ، وعالفاضي بعد
:)
اقرأوا رد البنت مرة ثانية .. نقاط كثير أأيدها فيـها
وياليت كل وحدة تقول رايها ماتعتمد على آراء غيرهـا ، نادر تتوافقين مع وحدة بنسبة 100%
:)

أنا في يوم من الايام وضعت ملف متكامل عن الليالي الرومانسيه وما زلت مقتنعه بفكرتها ..
بس هناك أمور أحب أقولها لتعم الفائده ومقصدي ايضا ..

اولا ..وقبل كل شئ أذا أجتهدت في رضا زوجي وصرفت أي مليم من أجله انا في هذه الحاله لستُ بخسرانه لني ابتغي وجه اولا ..وعن طريقه اريد اسلك السبيل الى الجنه

ثانيا ..افكاري يمكن لم افكر فيها الا بعد مرور أكثر من ثمان سنوات على زواجي ..ليس يعني أني كنت فاشله او لستث سعيده ..بس بصراحه كانت لهذه الحركات أثر في حياتنا من جديد ..

ثالثا ..انا ضد التكلف المادي في الترفيه النفسي ..لأننا مصيرنا الى التراب ..لكن ما رأيك فيمن تتكلف لزواج فلانه وعلانه ..وزوجها ما يعرف شئ منها الا ما هو متعارف ..
هنا أقولها بالصوت الصريح أنا ضدك وضد من تؤيدك ...توصل صرفياتك الى حدود ألف ريال كحد ادنى للتجهيز لزواج اخوك او أختك ..وزوجك تبخلين عليه بشئ والله لو حسبناها ماديا ما توصل الربع أحيانا

رابعا ..عن نفسي ارى الابداع في الليالي سواء كانت داخله مزاج زوجي اولا ..شئ من الامتاع النفسي لي قبل كل شئ..وطبعا وعن دراسات نفسيه شخصيه طالما أسعدت نفسك داخليا ونفسيا ينعكس ذلك على تصرفاتك فتثبتي لمن يراك انك قادره على جذبه ولفت انتابهه نحوك

ومع ذلك لااقول أستمروا في التكلف المادي والمعنوي ليس لأنه لايستحق بل كنوع من التجديد ..كنوع من التشويق ..كنوع من التمرد على الزام النفس على شئ قد تحبه ..فجأه قد تمله ..
فمثلا عندكم لاوسي ملت هالشغلات ..لكنني اشجعها وأحبذها ..وأدعو الله دوما أن يفتح في قلبي وأن يلهمني الهمه والنشاط لديني وبيتي وزوجي ...

سويتي ..موضوعك رائع وفي الصميم ..وكم ناقشتُ فيه وناقشت ولله الحمد أني لم أغير رأيي بل ما زلت أحب أن تُعطي المراه بلا حدود ..
فوالله ماعند الله لايضيع ..وحتما ستكسبين زوجك أيتها المُتفانيه والله معك

على فكرة ردود بعض الاخوات قمه في الرووعه والواقعيه

ياعمري ياسويتي ويا لاوسي ولايهون الباقين الموضوع يجنن كنكم انا وخواتي ناس تستهبل علي وناس تايدني بس المزاج والظرووووف والاهم اني مااتعب علشاان اقدر استمتع معه والله يوفقنا دوووم بس سؤال وين الاقي ملف مشرفتنا الغاليه فيه ؟