حبيباتى كل وحده تحس بالكسل والفتور صح
وساعات الكسل يجينا واجد صح
طيب
بخبركم بخطوات عملية :
كيف تخلصون اعماركم من الكسل :27:
1 _ كل وحده عندها غرفة النوم صح
يا الله ادخلى الغرفة وبندى الانوار وتكيييف والمروحه وكل شئ اللى فيه صوت
خلى الغرفة ظلام ومافيها اى صوت
الحين روحى الفراش وادخلى الفراش وتلحفى كامل
يا الله الحين حاولى تتنفسين
تنفسى يا الله خبرينى شو تحسين تقدرين تتنفسين :confused-
ما تقدرين صح
طيب الحين وانتى تتنفسين تخلى عمرج في القبر
وتخيلى انج وحيده وفراشج هو قبرج مظلم مافيه لا هواء ولا صوت ولا شئ
والحين شوو بتفكرين بتقولين على طول ابى اطلع من القبر حتى لو ساعة
ابى ارجع للدنيا
ابى اطلع من القبر يا ليتنى كنت حيه وارجع الدنيا
بس خلاص فات وانا الحين في القبر وانتى نادمه واجد
يا ليت كنت احفظ اية او ما كنت اقول انى كسلانه
الحين عندى همه بس ابى اطلع واحفظ عشان يكون القران رفيقى في القبر يااااااااه ابى اطلع :icon36:
ابى عن جد كل وحده تحس وتنفذ جربي ما بتخسرين
مو وهم تخيلى حسى بمشاعرج وتنفسى واصرخى بين نفسج
2 _ اليوم يعنى تحفظين القران اليوم موو باجر او ورا باجر
او بعد اسبوع لا اليوم يعنى اليوم
وفى اليوم كم ساعة 24 ساعة صح يعنى اليوم تفكرين في اليوم وتنسين باجر
هل بتعيشين باجر طبعا لا لان العلم عند الله
وهل اضمن عمرى بعد باجر انا
اكيد لا
فلازم احدد اليوم واحفظ وارجع لانى باجر بكون ميته محد يضمن لى انى بعيش وبحفظ القران صح ولا
3 _ الحين (( يعنى الان ))في فرق بين اليوم وبين الحين
اليوم فيها 24 ساعة تقدرين تحفظين وتراجعين على راحتك في اليوم الواحد
بس الحين يعنى نفس الوقت
مثال يوم يأذن المأذن المصلين شوو يسوون على طول يروحون للوضوء ويشمون في الحال صح
وحفظ القران نفس شئ في الحال ما تاجيل ولا ربع ثانية
تضمين بعد ثانية انج بتكونين بخير ومومريضة
ما تضمنين صح
يعنى الحين تروحين وتحفظين :27:
4_ خوف من الموت
كيف يا الله بخبركم
الحين اى وحده منكم لو سمعت ان في جنى ظهر في بيت وحده بتخاف ولا
او سمعت ان في جنى ساكن احد البيوت وجابين مطاوع من السعودية ومن عمان بس ماقدروا يطلعون الجنى لان قوى جدا
والحين بتخافين ولا
اكيد بتخافين
نفس شئ الموت لازم تخاف لان ماتعرف متى بنموت والعلم عند الله
الحين وحده بتجي وبتقول نحن كلنا اصلا نخاف من الموت
بقول لك لا ما تخافين
تبين تتاكدين
شوفى الحين لو ظهر امامك جنى
زين وسمعتى نفس اللحظة واحد مات
الحين خبرنى بتخافين من اى شئ وايد
من الجنى او من الموت شخص اللى مات
طبعا الجواب معروف
فعشان جذى لازم نخاف من الموت لو خفنا من الموت اكيد بنحفظ القران
ليش نخاف ونحفظ القران ؟؟؟؟
لان
ولن يؤخر الله نفسا إذا جاء أجلها
5_ الحمد وشكر هاى نعمة انا كنت غافله ( او لان محد كان يقول لى عن هاى نعمة الحمد والشكر )
شوفوا الاية لَئِنْ شَكَرْتُمْ لَأَزِيدَنَّكُمْ
دائما نحمد ونشكر
يعنى نحمد ونشكر في اليوم اكثر من عشر مرات
قولى الحين الحمد لله من قلبك شوفى شوو احساسك
تحسين براحه
6_ صحبة يعنى دائما تكون عندج وحده تراجع وتحفظ معج
لو وحدج شيطانج بلعب براسج على كيف كيفه:rolleyes:
واخر شئ بتقولين هذا من الشيطان موو الشيطان
انتى اللى استلمتى لشيطانك
ما دافعتى عن نفسج عدل
الفتور غير عن الكسل
الفتور يكون يوم واحد بس يعنى تقدرين تاخذين اجازة يوم وترتاحين
والفتور ما يجي في شهر يمكن في ست اشهر مرتين
يعنى موو وايد
7_ و ساعات احس مخى متوقف يعنى مافى مشكلة ولا عندى هم ولا غم ولا افكر في شئ احس خلاص مخى متوقف
هاى حاله تجينى اقول ياربي حافظة سورة مثل اسمى والحين ابى اراجع ما اقدر انطق شئ لا او مخى ما يشتغل احس خلاص كل شئ متوقف
هاى بعد علاجها موجود تعرفون وين
في هاى الاية والذين جاهدوا فينا لنهدينهم سبلنا
يعنى لو تجتهدين شوى الله يفتح لك سبل الهداية
ودايما نخلى شعارنا
لا للكسل
والحين اتمنى من كل وحده اللى تحس بالكسل تجرب وتطبق
وتخبرنى بنتيجة
ابى تطبيق عملى
وتخيلت نفسي بالقبر
الله يجزاك الجنه الموضوع حطيته بالمفضله دايم راح أطلع عليه
يارب ييسر لي حفظ القرآن حفظاً متقنا ً